Yude 1:7 - Musamu wu Mubwe

⁷ Yibwalaani ka monyi mu bisu Sodoomo na Ngomooro, na ba misyenge mikima mya bebele. Ba baakatsahala mu misyenge momiina, baaba na mbiili yi butsutsungu we yi bapofi mobaana. Baatu mobaana baakasa bumbembo, na mayamba. Bo bali na tsyembili ya mbaahu yi bilima na bilima. Yina yili kebisili huli baatu boosi.

Yude 1:7 ပူးပေါင်းရင်းမြစ်များ

Luuka 17:29

Ka ilumbu hi Loti hapali mu musyenge a Sodoomo, mbaahu na mamanya ma mbaahu maakanoho we mvula na boosi baanyambiini.

2 Tesalonika 1:7

Huli benu ba bali mu unyongese, Nzambi sa ava benu pumiili itwadi na bisu. Sa huba buuna, ŋa Yisu uyamonehele hu mayulu na bapofi ba nde ba nga matwala.

2 Tesalonika 1:8

Nde sa aya hutso a ludi la mbaahu, mu usyembe ba baaveleyaba Nzambi na ba baavelesingala Musamu wu Mubwe wa Pfumu a bisu Yisu.

2 Peetelo 2:2

Baatu babalahi bu uduukala bo hutso a mbiili a bo yimbi. Na mu toni a bo, baatu bu utuha nzila yi imbuli.

2 Peetelo 2:6

Bumosi kaka, Nzambi atsundisi misyenge mya Sodoomo na Ngomooro, mu iteesi hya mbaahu, na nde akitusi myo mufutu. Ni mu umwese ifwani hya ma mu uyiila huli banga masumu boosi.

2 Peetelo 3:7

Mu ma mali mu utala toto na mayulu ma loloyi, mambu ma nde mali ti, Nzambi amiikeelese byo, mana nde anyengese byo hu mbaahu, mu ilumbu hya tsundusu, hi boosi ba baavelekinza nde bu ukwa.