Yude 1:3 - Musamu wu Mubwe

³ Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.

Yude 1:3 ပူးပေါင်းရင်းမြစ်များ

Mavanga 17:3

Mu mambu ma nde hakabindula bo, nde akamwese, we bu mo mali. Masiya afwana umaamono pasi, na usuuha mu babaakwa. Nde akaleele bo: «Yisu mo wu me ndi mu unzaabisa benu wu, nde ni Masiya.»

Mavanga 18:28

Ka mu mifudi myosi, nde akatungalala Bayudaayo ŋa kuungi la baatu boosi, na nde akamwese mu ma baasonehe ma Ngidi, ti Yisu ni Masiya.

Mavanga 20:27

Mu toni ati, me anzaabisi benu litondo la Nzambi loosi, hwavele uswehe pasi dyambu.

Mavanga 28:28

Titswene Pahuli abweleele: «Buuna, yabaani li: yabaani ti mu musamu wu liyobolo, Nzambi amiitsindaha nde huli ba baavele Bayudaayo. Ka bo bu uyaka mu mutima a bo, musamu liyobolo!» [

Mavanga 4:12

Liyobolo ndulu mu nde lili. Mu tsi yoosi, Nzambi a hava muutu mukima ve ŋa hati la baatu, wu ufuuhasa bisu a benu.»

Mavanga 6:7

Mambu ma Nzambi maakatsamuha, litangu li bayihi laakakula bulahi hu Yeruselemi. Na litangu lilinene li banganga ba Nzambi, baakasa hiitu mu Yisu.

Mavanga 9:13

Ananya afutili: «Pfumu, baatu ba balahi baabehele me tsangu a muutu mowunuwu na uyabisa mamabi ma nde ali mu uvangila ba we bangidi babali hu musyenge a Yeruselemi.

Mavanga 9:22

Ka matwala ma Sahuli makavyohelele mifudi mu bilongisili bya nde, ti Yisu ni Masiya. Ni mu buuna, Bayudaayo ba hu Damaseko a baabweba na dyambu li uleele ve.

Ngalaatiya 2:5

Ka bisu a laayuhili bo tso tangu mosi ve, a laakulimini ka ŋa busu bwa bo ve, mana imbuli hi Musamu wu Mubwe hikwilala ŋa hati la benu.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

Ngalaatiya 6:11

Me mwakulu ndi mu utsonehele benu mu tangu moyiniyi, we bu benu lili mu udihula bunene bu bisono bya me.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 1:27

Pasi bu buuyiila, dyataani we bu hwayelemene na Musamu wu Mubwe wa Kristo. Tso me nzidi, tso me pelinza, me mbanzuha babaaleele ti, benu laavangama mu matsimi mamosi, na lili mu usala itwadi mu mutima mumosi, mu ulwanila Musamu wu Mubwe wu bisu laayaki.

1 Tesalonika 2:2

Ka benu liyabi kaka ti bisu laayaka bituhi na laamono pasi hu musyenge a Filipo. Ka Nzambi ahwadisa mana bisu lilongese Musamu a nde wu Mubwe, hutso a mbingisili.

1 Timoteho 1:18

Timoteho mwana a me, me ndeele we buni we afwana mu usa, we bu hwayelemene na mbihulili yi baasiidi mu we umata beleve. Nyaha mambu momaana mava we ibahala, mana we yaba buni we ulwana mudingu wu afwana.

1 Timoteho 6:12

Lwana mudingu wu afwana wu imiinu. Kanga monyi wu bilima na bilima wu Nzambi hateeli we mu nde. Monyi mowuuna, ni wu we asiingi ŋa we abinuhi mu udukala nzila imiinu, ŋa busu bu bambangi babalahi.

2 Timoteho 1:13

Volo ifwani mu ndongisili ya mbuli yi me anzaabisa we, na hwada mu imiinu hya Nzambi. Titswene, hwada mu utondo baatu mutso itwadi hya na Yisu Kristo.

Tiite 1:4

Ni huli we Tiite, me ndi mu utsonehe muhanda mowunuwu. We ni mwana a me wu litondo mu itwadi hi imiinu hi hyapfuuta bisu a we. Nyaha Nzambi Taata na Kristo Yisu Mufuhisi a bisu, basyeme we na uva we hyenze!

1 Peetelo 5:12

Me atsonihili benu muhanda mowunuwu wu mukusi, mu likumbasa la Silaasi wu me umbaapolo we mwana a ngu a me wu akuha mu imiinu. Me atsonihi nde, mu uhwadisa benu, na mu usilasa ti, benu hutso a hyese hya Nzambi laakangama.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

2 Peetelo 2:21

Hubeedi bubwe huli bo ŋa tsomi, mu uveleyaba nzila yi lisunga. Ka a mu uyaba yo, na ubwetehele mikele mya ngidi mbisa ve.

Yude 1:1

Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.

Yude 1:17

Ka huli benu bambaahi ba me, yibwalaani monyi mu mambu ma bilumbi bya Pfumu a bisu Yisu Kristo, byayabisi benu hu tsomi.

Yude 1:20

Ka benu, bambaahi ba me ba mutima, hwadaani mu ukula mu imiinu hya ngidi hya benu. Sambilaani mu matwala ma Livupu la Ngidi.