Yude 1:25 - Musamu wu Mubwe

²⁵ Nde li Nzambi mosi ndulu, ni nde ayobili bisu mu likumbasa la Yisu Kristo, Pfumu a bisu. Nyaha muyusu, bunene, matwala na lituma, biba na nde umata pangili a tsi, bunubu na mu bilima na bilima! Ameni.

Yude 1:25 ပူးပေါင်းရင်းမြစ်များ

Luuka 1:47

na livupu la me lili mu kinya mu Nzambi, Muyobili a me.

Yowani 4:22

Benu bisu Samariya, benu a liyaabi na benu lili mu ukuunda ve. Ka bisu Bayudaayo, bisu liyaabi na bisu lili mu ukuunda. Mu toni ati, liyobolo ubaamata huli Bayudaayo.

Yowani 5:44

Buni benu luutwala usa imiinu mu me? Benu ba libaayusasana, na ba lavelesaha muyusu wu ubaamata huli Nzambi siha.

Looma 11:33

Ki pila bunene bu busina bwa Nzambi! Ki pila idongi hili mu nzabili na buyedi bwa nde! Na utwala ubindula maakesili ma nde? Na utwala utsikaha makani ma nde?

Looma 11:36

Byosi bibaamata huli Nzambi, mu nde, na byo bili bya nde. Nyaha muyusu aba huli Nzambi mu bilima na bilima! Amen!

Looma 16:27

Muyusu aba hu li Nzambi, wu li siha nga tsiki, mu Yisu Kristo, mu bilima na bilima! Ameni!

1 Timoteho 1:17

Butsitu na muyusu biba, huli Pfumu matangu moosi! Nde wu uli Nzambi ndulu mosi, wu avelekwa, na wu bubaavelemono! Ameni!

1 Timoteho 2:3

Liina ni dyambu lilibwe, li Nzambi Muyobili a bisu hasilasa.

Tiite 2:10

na uveleyibala bo pasi isiha. Ka baviha bafwana umonehele tangu yoosi, basalili bababwe. Moosi ma bo buupalisa, bo baafwana uvangimasa mo. Bo bavanga buuna, baatu sa bava muyusu mu mambu ma bisu libaalongese mu Nzambi Muyobili a bisu.

Tiite 2:13

Ni buuna, bisu lafwana ukeele ilumbu hya kinya hi bisu lili mu usa hiitu. Ilumbu mohina, Nzambi a bisu wu munene, wu uli Mufuhisi a bisu Yisu Kristo, sa amonehele hutso muyusu a nde.

Tiite 3:4

Ka Nzambi Mufuhisi a bisu, mu tangu yi yafwana, amwesi bubwe bwa nde, na buni nde hafula utondo muutu.

1 Peetelo 4:11

Tso muutu li na bungodu bu utoyo, nde afwana uyabisa Mambu ma Nzambi. Tso muutu li na bungodu bu usalisa bambahi, nde afwana usalila bwo na mifudi mi Nzambi ubaava nde. Saani buuna mana mu moosi, Nzambi ayaka muyusu mu Yisu Kristo, mu nde huli na muyusu na matwala mu bilima na bilima. Ameni!

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!