Yude 1:21 - Musamu wu Mubwe

²¹ Kwilalaani ka hutso litondo la Nzambi, mu ukeele Pfumu a bisu Yisu Kristo. Mu bubwe bwa nde, benu luubaha monyi wu bilima na bilima.

Yude 1:21 ပူးပေါင်းရင်းမြစ်များ

Yowani 1:17

Ni mbuli, Nzambi asalili Moose mu uva bisu Mikele. Ka ni mu Yisu Kristo, Nzambi habehili bisu hyese na imbuli bya nde.

Yowani 14:21

Muutu wu li mu uyaka matumili ma me, na wu li mu usiingala mo, ni nde wuuna wu atondo me. Muutu wu atondo me, Taata a me sa atondo nde. Me kaka tsa tondo nde, na me tsa monehele na nde.»

Mavanga 11:23

Bu nde hayato huuna, nde amoni buni Nzambi hasyemi ba baasiili nde hiitu. Nde amoni kinya na ahwadisi bo boosi mu ukangama na hiitu hyosi mu Pfumu.

Looma 5:21

We bu lisumu laamwesi matwala mu uduba baatu, ni bumosi kaka, hyese hya Nzambi hyumwese matwala ma hyo mu butsiitsa, mu ubita baatu hu monyi wu bilima na bilima mu Yisu Kristo Pfumu a bisu.

Looma 5:5

Hiitu a hibaapfuta ve mu toni ati, Nzambi ayitili litondo la nde mutso mitima mya bisu, mu likumbasa li Livupu la Ngidi li nde haviidi bisu.

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Looma 8:39

tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

2 Tesalonika 3:5

Nyaha Pfumu abaabita mitima mya benu hutsyelo litondo la Nzambi. Nyaha nde abaamwese benu buni benu luuba na mukonono mutso mapasi, we bu Kristo hamwesi ifwani.

1 Timoteho 1:2

Me ndi mu utsonehele huli we Timoteho. We li mwana a me mwakulu, mu hiitu hya we mu Kristo. Nyaha Nzambi Taata na Kristo Yisu Pfumu a bisu, bava we hyenze, bakwila we lingebe na uva we hyese.

2 Timoteho 1:16

Ka nyaha Pfumu alusa kwili a nde lingebe mu nzo a Onezifole, mu toni ati nde akahwadisa me tangu yoosi. Na nde a hamono tsonyi mu me wu uli mu kondaayi ve.

2 Timoteho 1:18

Nyaha Pfumu atasila nde, mu kwili lingebe a nde, mu ilumbu hya tsundusu! We afula kaka uyaba mamabwe moosi ma nde havangili me hu musyenge a Efeso.

2 Timoteho 1:2

Me ndi mu utsonehele we Timoteho, mwana a me wu litondo: Nyaha Nzambi Taata na Yisu Kristo, Pfumu a bisu bava we hyese, litondo na hyenze.

2 Timoteho 4:8

Bunuubu, bamiiswehele me mutata a butsitsa, humbisa a mbingili a me. Pfumu, nzonzi wa tsitsa, wu utsundasa bu hwafwana, uva me mutata mo ilumbu mohiina. Nde uva mutata, ndulu a huli me ve, ka napa huli boosi ba bali na lehemene li ukeele monihili a nde.

2 Peetelo 3:12

Benu laafwana ukeele na uhwada, mana ilumbu mohiina, ilumbu hya Nzambi, hiveletamba mu uya. Ilumbu mohiina, bya hu mayulu byusulamana hutso a ludi la mbaahu.

1 Yowani 4:16

Mono buni bisu luuyaaba ki litondo li Nzambi hatondo bisu. Nzambi ni litondo, na woosi wu ubaakwilala mu litondo, ubaakwilala mu Nzambi, na Nzambi kaka ubaakwilala mu nde.

1 Yowani 5:18

Bisu liyabi ti pasi wu Nzambi habuta, a hubaabwesumaha ve, mu toni ati Mwana a Nzambi ubaakeelese nde, na Nga bubi utwala ubwevangila nde lilibi ve.

1 Yowani 5:21

Kebaani mu usambila bifwita, baana ba me.

Yude 1:1

Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.

Yude 1:22

Baani na kwili lingebe mu baatu ba bakini na matsika.

Yude 1:24

Nzambi li na matwala ma ukeelese benu, mana benu livelebwa mu masumu. Na nde ni wu usa ti, benu limonehele baatu ba baavele ipiha, na ba baaluula mu kinya ŋa busu bu muyusu a nde.