Yude 1:20 - Musamu wu Mubwe

²⁰ Ka benu, bambaahi ba me ba mutima, hwadaani mu ukula mu imiinu hya ngidi hya benu. Sambilaani mu matwala ma Livupu la Ngidi.

Yude 1:20 ပူးပေါင်းရင်းမြစ်များ

Mavanga 15:9

Nde a hasa lisobosono ŋa hati la bo na bisu ve. Bu bo baasiidi hiitu mu Nzambi, nde atsyemisi ka mitima mya bo.

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Mavanga 6:7

Mambu ma Nzambi maakatsamuha, litangu li bayihi laakakula bulahi hu Yeruselemi. Na litangu lilinene li banganga ba Nzambi, baakasa hiitu mu Yisu.

Mavanga 9:31

Libundu laaba mu hyenze mu bitanzi byosi bya Yuda, bya Ngalili, na bya Samariya. Livupu la Ngidi laakakulasa libundu mu hiitu, na mu likinzu la Pfumu. Litangu la banga hiitu laabwefulala bulahi mu likumbasa li Livupu la Ngidi.

Looma 15:2

Nyaha pasi muutu mu bisu a benu asaha hi hyumwese munawe kinya mu libwe la nde, mana nde akula mu imiinu.

Looma 8:15

Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!»

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

1 Tesalonika 5:11

Ni mu buuna, hwadasanaani na kumbasanaani mu ukula mu imiinu, we bu benu lili mu ubaasa.

1 Timoteho 1:4

Leele bo banyaha masahu momaana, na utanga mihanda mimila, mi manduhi ma bakaaha. Maana moosi ubaabehe ndulu ukaakana, hwavele uvanga litondo la Nzambi, li libaavangama mu imiinu.

2 Timoteho 1:5

Me ndi mu unzibwala monyi kaka mu hiitu hya we hya mbuli. Ni hiitu hya mu Nzambi hiina, kaaha a we Loyisi na ngu a we Enisi, baabedi na hyo. Me ndi mu umono ti we kaka ka mu usa hiitu mu Yisu.

Tiite 1:1

Me Pahuli ndi mu utsonehele we muhanda mowunuwu. Ni me ndi muviha a Nzambi na ilumbi hya Yisu Kristo. Nzambi amiiva me isalu mu ubita baatu ba nde hamiisoolo, mu nzila imiinu. Nzambi amiiva me ka isalu hi uyabisa bo imbuli hi hyafwana, mana bo badyata mu mbiili ya ba baakinza Nzambi.

Yaki 2:22

We li mu umono ti, imiinu hya nde hyakayene butsitsa na mavanga ma nde. Ni mu mavanga momaana, nde hakuhisi imiinu hya nde.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

1 Yowani 5:4

Mu toni ati, boosi ba Nzambi habuta, bubaabiingala tsi. Na ilwanili hi bisu libaabiingala tsi, ni imiinu hya bisu.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.