Yude 1:18 - Musamu wu Mubwe

¹⁸ Byo baayabisi benu: «Hu tsukusu a tangu, sa huba na bakwedi. Bo bukaakwede Nzambi na baatu ba nde. Na ba bukaadyata we bu huli matsimi mamabi, ma mu utahusa bo na Nzambi.»

Yude 1:18 ပူးပေါင်းရင်းမြစ်များ

Mavanga 20:29

Me nzaabi ti bu me utehe mbisa, baatu babaafwana na miinzi mi bukanyi, sa bakotelele libundu mu umana konge biboodi.

2 Timoteho 3:13

Ka baatu banga mavanga mamabi, banga a soho, bu usinzakagama mu bubi bwa bo. Bo bu usoho bakima, na bu udunga bo mwakulu.

2 Timoteho 4:3

Ka sa huba na tangu yi baatu bu ubwevelekunda ndongisili a mambu ma mbuli. Ka mu mapeyu ma bo mwakulu, bo sa bakangama mu ndongisili yi milongisi mi milahi, we bu hwafwana na mapeyu ma bo mwakulu.

2 Peetelo 2:1

Ŋa hati la buli li Isereli, hwaba na mimbihuli mi mapfuta. Bumosi kaka, ŋa hati la benu sa huba na milongisi mi mapfuta. Milongisi momiina sa mikotese na dyele loosi, ndongisili yi ubita baatu hu udunga. Bo sa batuna Pfumu wu ayobolo bo. Nzambi sa abungasana bo ipakali.

2 Peetelo 2:10

Nde usyembe homo, ba bali mu udyata mutso mapeyu ma bo ma musunya, na ba bali mu upenye lituma la Pfumu. Milongisi mi mapfuta momiina, myaluula mu nyeme na mu isaayi. Bo bali mu urokolo tso bisiha bya hu yulu, bi byaluula mu muyusu, hwavele umono boomo.

2 Peetelo 3:3

Hati a tsomi, yabaani ti mu bilumbu bya tsyelele, sa umonehele bakwedi. Bo sa baduukala mapeyu ma bo mamabi na ubaakwede benu.

Yude 1:16

Baatu mobaana a bubaaba na kinya ve, bo bali mu uŋono tangu yoosi mu idiingu hya bo. Bo bali mu udukala manzala ma linyungi la bo. Minywa mya bo mili mu upalisa mambu ma nyehe, ma usohese baatu mu ubaha kaluha.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.