Yude 1:17 - Musamu wu Mubwe

¹⁷ Ka huli benu bambaahi ba me, yibwalaani monyi mu mambu ma bilumbi bya Pfumu a bisu Yisu Kristo, byayabisi benu hu tsomi.

Yude 1:17 ပူးပေါင်းရင်းမြစ်များ

Mavanga 20:35

Me amwese benu ti mu moosi, lafwaana ubaasala, mana libaakuumbasa biyaha. Yibwalaani monyi mu ma Pfumu Yisu nde mwakulu haleeli: “Kinya ya wu ubaava, yafulala ya wu ubaayaka.”»

2 Peetelo 3:2

Yibwalaani monyi, mu mambu ma mimbihuli mya ngidi myayabisi umata beleve. Yibwalaani kaka mukele wu Pfumu na Muyobili hatoosili benu, mu nzila bilumbi bya nde.

1 Yowani 4:6

Ka bisu, lili ba Nzambi habaha. Woosi wu ayaaba Nzambi, uyuhala bisu. Pasi wu aveleyaaba mwana a Nzambi, a huyuhala bisu ve. Ni buuna bisu libaatsikaha banga Livupu la mbuli na banga livupu li mapfuta.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.