Yude 1:1 - Musamu wu Mubwe

¹ Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.

Yude 1:1 ပူးပေါင်းရင်းမြစ်များ

Luuka 6:16

Yude mwana a Yaki, na Yuda Isikaryoti wu asumbiisi Yisu.

Yowani 12:26

Tso muutu tondi usalila me, nyaha nde aduukala me. Ni mubuuna, ŋa me ndi, musalili a me sa aba na me, na Taata a me sa ayusa nde.»

Yowani 14:22

Yuda, a Yuda Isikariyoti ve, afuuli Yisu: «Mu hima we umonehele ndulu na bisu na uvelemonehele na baatu boosi?»

Yowani 15:16

A benu laasoolo me ve, ka me ni wu asoolo benu. Me miipa benu tumili moyiniyi: yenaani, butaani mbutu yi yukwilala. Buuna, pasi hi benu luuvondo huli Taata mu nduhi a me, nde sa ava benu hyo.

Yowani 17:15

Me a handi mu upondo huli we mu umaasa bo mu tsi ve, ka mu ukeelese bo ŋa busu bu mubungi.

Yowani 17:17

«Mambu ma we ni imbuli, tsyemese bo mu imbuli hya we.

Yowani 17:19

Na me, me ndi mu utsyeme me mwakulu mu bo, mana bo kaka baba ba baatsyeme mu imbuli.

Yowani 6:39

Na litondo la wu atsindaha me ni liniili: ti me pelenyambasana tso muutu mumosi mu boosi ba nde haviidi me, ka ni ti me tsuula bo ŋa hati la babaakwa mu ilumbu hya tsyelele.

Mavanga 1:13

Bu bo baatodi hu musyenge a Yeruselemi, bo baavati hu itini hi ibanga hya yulu hu bo baaba na ipfu hi upfutana. Ŋa hati la bo aba Peetelo na Yowani, Yaki na Andele, Filipo na Tomaasi, Batolomayi na Mataayi, Yaki mwana a Alafe, Simoni wu aba mu kabu li «bazeloti» na Yuda mwana Yaki.

Mavanga 20:32

Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde.

Mavanga 27:23

Pofi mumosi a Nzambi, wu abaha me na wu me umbaatsalila, ayamonehele na me butsuhu mobunuubu.

Looma 1:1

Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

Looma 1:6

Benu kaka lili mu litangu la baatu mobaana, ba Yisu Kristo hateeli.

Looma 16:18

mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili.

Looma 6:22

Ka bunuubu, bu lika bunyanga ŋa busu bu masumu, na bu lika baviha ba Nzambi, kaluha yi benu luubaha ni idiingu hi hyaluula mu nde, na tsukusu ni monyi wu bilima na bilima.

Looma 8:30

Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.

Looma 9:24

Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

1 Tesalonika 5:23

Nyaha Nzambi wu li suhu la hyenze, akuhasa bungidi bwa nde boosi mu benu. Na nde akeelese benu we bu hwafwana: ilunzi hyosi, muvumu woosi na nyutu yoosi bya benu, biveleba na masyembo mu ilumbu hya nziili a Pfumu a bisu Yisu Kristo.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

2 Timoteho 4:18

Pfumu ubiingasa me mu mavanga moosi mamabi. Nde uyobolo me na ukotese me mu Ipfumu hya nde hi mayulu. Muyusu aba huli nde mu bilima na bilima! Ameni!

Yaki 1:1

Me Yaki, musalili a Nzambi na wa Pfumu Yisu Kristo, ndi mu upa bwehe huli bibandu kumi na byole, bi byatsamuha mu matsi moosi.

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.

1 Peetelo 1:5

Mu toni ati, Nzambi li nga matwala. Nde ubaakeelese benu bubwe-bubwe mu imiinu hya benu mu Yisu Kristo. Tangu a tsukusu aka bebele, tangu yi Nzambi humwese liyobolo la benu.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

Yude 1:21

Kwilalaani ka hutso litondo la Nzambi, mu ukeele Pfumu a bisu Yisu Kristo. Mu bubwe bwa nde, benu luubaha monyi wu bilima na bilima.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.