Yowani 9:4 - Musamu wu Mubwe

⁴ Bisu a benu lafwana ukuhasa mavanga ma wu atsindaha me, bu busi bukini bwakya. Bu busi buuyila, muutu ubwetwala usala ve.

Yowani 9:4 ပူးပေါင်းရင်းမြစ်များ

Yowani 10:32

Yisu abweleele bo: «Me amwese benu mavanga mamabwe, mu matwala ma Taata. Benu mu ki vanga li libwe benu litondi uduba me mu mamanya?»

Yowani 10:37

Tso me a handi mu utsa mavanga ma Taata a me ve, a laasiila me imiinu!

Yowani 12:35

Yisu aleeli bo: «Liyalala likini mwana tangu hoole ŋa hati la benu. Hwadaani mu uyene, bu liyalala likini ŋa hati la benu, mana piipidi a yikimusa benu. Ka muutu wu ubaayene hutso a piipidi, a hubaayaaba huni nde ubaayene ve.

Yowani 17:4

Me minzuusa we ŋa toto, mu toni ati, me miimana isalu hi we atuma me usa.

Yowani 4:34

Yisu afutili bo: «Bya me byudya ni mu ukuhasa litondo la Taata wu atsindaha me, na umana isalu hi nde hava me.»

Yowani 5:19

Yisu ni ufutala huli Bayudaayo: «Mu mbuli, mu mbuli me ndi mu undeele benu, Mwana utwala usa pasi isiha mu nde mwakulu ve. Ka Mwana ubaasa ndulu bi nde ubaamono Taata mu usa. Na byosi bi Taata ubaasa, Mwana kaka ubaakuhasa byo usa.

Yowani 5:36

Ka me ndi na imbangi hi hyafulala hya Yowani bunene. Mu toni ati, mavanga ma Taata hava me mu ukuhasa, ni mavanga momaana me ndi mu utsa. Mo mali mu utiila me imbangi ti Taata ni wu atsindaha me.

Yowani 7:33

Yisu ni uleele: «Me kini na benu mu mwana a tangu hoole, titswene me tsa nzyene huli wu atsindaha me.

Mavanga 4:20

Ka bisu, bisu utwala ubisa mu uyambila mu mambu ma bisu laamono na laayuha ve.»

Ngalaatiya 6:10

Ni mu buuna, bu tangu yimonihili, libaavangani mamabwe huli pasi muutu, fula-fula huli baana ba ngu ba imiinu mu Kristo.