Yowani 8:54 - Musamu wu Mubwe

⁵⁴ Yisu afutili bo: «Tso me ndi mu unzuusa me mwakulu, muyusu a me a hali na tsongo ve. Ka Taata a me ni wu ubaamwese muyusu a me. Benu lili mu uleele ti: “Nde li Nzambi a bisu”.

Yowani 8:54 ပူးပေါင်းရင်းမြစ်များ

Yowani 17:1

Nde amana utoyo buuna, Yisu asimbuli miisu hu yulu na aleeli: «Taata, tangu yimiito. Yusa Mwana a we, mana Mwana a we kaka ayusa we!

Yowani 17:5

Bunuubu, Taata, yusa me ŋa busu bwa we. Yusa me mu biyusili bi me amba na byo ŋa pedu a we, tswamina pangili a toto.

Yowani 2:11

Hiina ni iliimbu hya kimwili hya tsomi hi Yisu hasiidi. Aba hu musyenge a Kana hu Ngalili. Nde amwesi muyusu a nde, na bayihi ba nde baasiidi nde imiinu.

Yowani 5:41

Me a handi mu utsaha ubaha muyusu wu ubaamata huli baatu ve.

Yowani 7:18

Muutu wu ubaatoyo mu nde mwakulu, ubaasaha ndulu muyusu a nde. Ka pasi nde wu ubaasaha muyusu a nde wuuna wu atsindaha nde, ubaaleele imbuli. A hu li na upfuta mu nde tso hoole ve.

Yowani 7:39

Yisu haleeli buuna, mu toni a Livupu la Nzambi li boosi ba baasiidi imiinu mu nde, baafwana uyaka. Mu tangu moyiina, Nzambi aba kini a haviidi Livupu ve, mu toni ati Yisu aba kini a hayaki muyusu ve.

Yowani 8:41

Benu lili mu usa mavanga we ma taata a benu.» Bo ni uleele nde: «Bisu a lili baana ba baabuta mu mayamba ve. Bisu lili na Taata ndulu mumosi, ni Nzambi.»

Yowani 8:50

Me a handi mu utsaha muyusu a me mwakulu ve. Hu li na mumosi wu ubaasahila me muyusu, ni nde wuuna wu ubaatsikaha misamu na bukuhu bwosi.

Mavanga 3:13

Nzambi a Abrahami, wa Isaki na wa Yakobi, Nzambi bakaaha ba bisu, miimwese muyusu a musalili a nde Yisu. Benu mwakulu laayehuli nde huli bakuutu, na utuna nde ŋa busu bwa Pilaato. Humbisa utsikaha mambu, Pilaato abeedi na tsimi yi unyahula nde.

1 Peetelo 1:12

Mambu ma Nzambi hayabisi bo ni manima: malumbi ma bo baakatoosele, a maba mu toni a bo ve, ka mu toni a benu. Bunuubu, ba bali mu uyabisa Musamu wu Mubwe, baatoosili benu malumbi momaana mu matwala ma Livupu la Ngidi, libaatsindihi umata hu yulu. Bapofi bo mwakulu kaka, bubaatoondo uyaba mambu momaana.

1 Peetelo 1:21

Mu nde benu lili mu usa imiinu mu Nzambi wu asuula nde ŋa hati la babaakwa, na wu ava nde muyusu. Ni mu buuna, benu libaasa imiinu na hiitu mu Nzambi.

2 Peetelo 1:17

Mu toni ati, Taata Nzambi ava nde likinzu na muyusu, ŋa ndaha a nde yi yapali hutso mayidu ma muyusu yaleeli: «Wunuwu ni Mwana a me wu litondo, wu li mu usa kinya a me yoosi.»