Yowani 7:7 - Musamu wu Mubwe

⁷ Baatu ba tsi utwala ubelele benu ve. Ka bo baabelele me. Mu toni ati, me umbaata imbangi ti mavanga ma bo mali mamabi.

Yowani 7:7 ပူးပေါင်းရင်းမြစ်များ

Luuka 6:26

Lingebe huli benu tso baatu boosi bali mu utoyo bubwe mu benu, ni bumosi ka bakaaha ba bo baakaleele mu mimbihuli mi mapfuta!»

Yowani 17:14

Me apa bo mikuma mya we, na baatu ba tsi na piinga mu bo. Mu toni ati, bo a bali ba tsi ve, we bu me apele wa tsi moyiniyi.

Yowani 3:19

Mono buni tsundusu yuvangama: liyalala laayidi mu tsi, ka baatu baatondi hwa bo piipidi na baatiimbi liyalala, mu toni ati mavanga ma bo mali mamabi.

Looma 8:7

Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve.

Ngalaatiya 4:16

Bunuubu, me ka muboho a benu bu me miinzabisa benu imbuli?

Yaki 4:4

Bimbembo mobinibi! Benu a liyabi ve ti, utondo mambu ma tsi, ni ubelele hwa Nzambi? Ni mu buuna, tso muutu tondi uba mbaahi a tsi, nde aka muboho a Nzambi.

1 Yowani 4:5

Mimbihuli mi mapfuta mili mya tsi. Myo mibaatoyo mambu ma tsi, na tsi yibaayuhala myo.