Yowani 5:34 - Musamu wu Mubwe

³⁴ Me a handi na nzala ati batiila me imbangi ve. Ka me ndi mu undeele maana, mana benu liyoboho.

Yowani 5:34 ပူးပေါင်းရင်းမြစ်များ

Luuka 13:34

Yeruselemi, we musyenge a Yeruselemi, we wu ubaaduba mimbihuli na uduba mu mamanya ba Nzambi ali mu utsindaha we! Me tondi ukuukaha baana ba we, we bu tsusu ubaafuha baana ba nde hutso mapapi ma nde. Ka benu a laatondo ve!

Luuka 19:10

Eye, Mwana a muutu aya mu usaha na uyobolo ba baadimbala.»

Luuka 24:47

Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Yowani 20:31

Ka mambu ma baasonehe hutso libuuku, baasonehe mo mana benu lisa imiinu ti Yisu ni Kristo. Nde ni Mwana a Nzambi. Na bu benu luusa imiinu, benu luubaha monyi mu nduhi a nde.

Yowani 5:32

Ka, hu li na muutu mukima wu ubaatiila me imbangi, na me nzaabi ti imbangi hi nde ubaatiila me, hili hi hyasungama.

Yowani 5:41

Me a handi mu utsaha ubaha muyusu wu ubaamata huli baatu ve.

Yowani 8:54

Yisu afutili bo: «Tso me ndi mu unzuusa me mwakulu, muyusu a me a hali na tsongo ve. Ka Taata a me ni wu ubaamwese muyusu a me. Benu lili mu uleele ti: “Nde li Nzambi a bisu”.

Looma 10:1

Baana ba ngu, me ndi mu utsaha mu mutima a me woosi, na li me umbaapondo tangu yoosi mu masambulu ma me, ni ti bisu Isereli bayoboho.

Looma 10:21

Ka uto ti mu bisu Isereli, nde aleeli: «Bilumbu byosi, me ndi mu unzala myoho mya me, mu uyaka baatu ba nga kene, na batumbihi.»

Looma 12:21

A nyaha bubi bubingala we ve, ka nyaha we biingala bubi mu libwe.

Looma 3:3

Mu mbuli, tso Bayudaayo bakima baabisi usa imiinu. Pelili a bo imiinu, utwala ufwinzala butsiitsa bwa Nzambi?

1 Timoteho 4:16

Kelese bubwe-bubwe nyutu a we mwakulu, na ndongisili a we, mana we kwilala mu maana moosi. We uvanga buuna, Nzambi uyobolo we na boosi ba bubaayuhala we.

1 Yowani 5:9

Huli mbuli ti bisu libaasiinga imbangi hya baatu. Ka imbangi hya Nzambi, hyafulala tsoongo. Imbangi mo, ni hi Nzambi ubaatiila mu mwana a nde.