Yowani 5:18 - Musamu wu Mubwe

¹⁸ Bu Bayudaayo baayuhi buuna, piinga a bo yi uduba Yisu yaafulili. Bo baakasaha uduba nde, ndulu a bu nde hakavelekinza ilumbu hya saba ve, ka fula-fula, bu nde hakateele Nzambi Taata a nde na ubaamonehele we itsiitsa hya nde.

Yowani 5:18 ပူးပေါင်းရင်းမြစ်များ

Yowani 1:19

Bakuutu ba Bayudaayo ba Yeruselemi, baatsindihi banganga ba Nzambi na basalili ba mu nzo a Nzambi huli Yowani. Bo baayafuula nde bunuubu: «We na we li?» Mono imbangi hi Yowani hatiidi.

Yowani 10:30

Bisu a Taata lili muutu mumosi.»

Yowani 10:33

Bayudaayo baafutili nde: «A mu toni a vanga li libwe bisu luuduba we ve. Ka mu toni a bu we li mu usafula bungidi bwa Nzambi. Na we wu li ndulu muutu, we li mu ubilumana ti we Nzambi!»

Yowani 14:23

Yisu afutili nde bunuubu: «Tso muutu tondi me, nde akeelese mikuma mya me, na Taata a me sa atondo nde. Bisu sa liya huli nde, na bisu sa livanga nzo a bisu huli nde.

Yowani 14:9

Yisu aleeli nde: «Me ndi na benu umata beleve. We a hayaaba me ve, Filipo? Woosi wu miimono me, miimono Taata. Buni we utwala uleele: “Mwese bisu Taata”?

Yowani 19:7

Bayudaayo, baafutili nde: «Bisu lili na Mikele, na Mukele mumosi ubaaleele ti, nde afwana mu ukwa. Mu toni ati, nde miibilumana “Mwana a Nzambi”.»

Yowani 5:15

Bahala mo laayayabisa huli Bayudaayo ti muutu wu abeelusi nde aba Yisu.

Yowani 5:16

Bayudaayo baakabingasa Yisu, mu toni ati nde hakasa mavanga momaana mu ilumbu hya saba.

Yowani 5:17

Ka Yisu afutili bo: «Taata a me li mu usala tangu yoosi, na me kaka ndi mu utsala.»

Yowani 5:23

Nde hasa buuna, mana boosi babaakiinza Mwana, we bu bo bali mu ukiinza Taata wu atsindaha nde. Mu toni ati, muutu wu avelekiinza Mwana, a hali mu ukiinza Taata ve.

Yowani 7:1

Humbisa a maana, Yisu akatangili itanzi hya Ngalili. Ka nde a hakatondo udyenge mu itanzi hya Yude ve. Mu toni ati, lituma li Bayudaayo, laakasaha uduba nde.

Yowani 7:19

Moose aviidi benu Mikele. Ka muutu tso mumosi mu benu a hali mu ukinza myo ve. Mu hima benu lili mu usaha uduba me?»

Yowani 8:54

Yisu afutili bo: «Tso me ndi mu unzuusa me mwakulu, muyusu a me a hali na tsongo ve. Ka Taata a me ni wu ubaamwese muyusu a me. Benu lili mu uleele ti: “Nde li Nzambi a bisu”.

Yowani 8:58

Yisu afutili bo: «Mu mbuli mu mbuli me ndi mu undeele benu, tswamina babuta Abrahami, “me, me ndi”.»

Filiipo 2:6

Nde wu aba ifwani hya Nzambi, a havatiini mu uba itsitsa hya Nzambi ve.