Yowani 4:3 - Musamu wu Mubwe

³ Titswene, nde asiisi tsi a Yude na afutihi hu Ngalili.

Yowani 4:3 ပူးပေါင်းရင်းမြစ်များ

Luuka 17:11

Bu Yisu hakayene hu musyenge a Yeruselemi, nde atangili mandilu ma bitanzi bya Samariya na Ngalili.

Yowani 1:43

Mu ilumbu hi hyakaduukala, Yisu akani ufutaha hu Ngalili. Nde abwani na Filipo, na aleeli: «Duukala me!»

Yowani 10:40

Yisu abweyene hu simu liina la Yolodani, ŋa mbuha yi Yowani habaandihi utondehe na nde atsahili huuna.

Yowani 11:54

Ni mubuuna, Yisu hakabweveledyenge ŋa miisu ma Bayudaayo. Ka nde ayeni hu itanzi hya bebele na kumu, hu musyenge wu bubaateele Ifrayima. Nde atsahili huuna na bayihi ba nde.

Yowani 2:11

Hiina ni iliimbu hya kimwili hya tsomi hi Yisu hasiidi. Aba hu musyenge a Kana hu Ngalili. Nde amwesi muyusu a nde, na bayihi ba nde baasiidi nde imiinu.

Yowani 3:22

Humbisa a maana, Yisu ayeni na bayihi ba nde hu itanzi hya Yude. Huuna, nde avyosi na bo mwa bilumbu, na nde akatondehe baatu.

Yowani 3:32

Nde ubaata imbangi mu ma nde hamono na hayuha, ka muutu tso mumosi a hali mu usiinga imbangi hya nde ve.

Yowani 4:47

Mukuutu masadaadu ayuhi ti Yisu miimata hu itanzi hya Yude, mu uyene hu Ngalili. Nde ayamono nde na ayayini nde, mu uyabeeloso mwana a nde wu aba aka ŋa pedu lipfu, hu Kapernahumi.

Yowani 7:1

Humbisa a maana, Yisu akatangili itanzi hya Ngalili. Ka nde a hakatondo udyenge mu itanzi hya Yude ve. Mu toni ati, lituma li Bayudaayo, laakasaha uduba nde.