Yowani 3:34 - Musamu wu Mubwe

³⁴ Muutu wu Nzambi hatsindaha, ubaaleele mambu ma Nzambi. Mu toni ati, Nzambi ubaava nde Livupu mu iteesi hi hyafulala.

Yowani 3:34 ပူးပေါင်းရင်းမြစ်များ

Luuka 4:18

«Livupu la Pfumu lili ŋa yulu a me, mu toni ati, Pfumu amiisoolo me mu uyabisa Musamu wu Mubwe huli biyaha. Nde atsindihi me mu uleele huli ba baakangama: “Benu ka bunyanga!” Mu uleele huli binzimana: “Benu lu umono!” Nde atsindihi me mu uyobolo babali mu munyongi,

Yowani 1:16

Bisu boosi laayaki ikuuku hi busina bwa hyese hya nde. Nde ayitili bisu lisyeme li lilahi.

Yowani 15:26

«Me utsindaha benu Mukaliini wu umata huli Taata. Ni Livupu li luumata huli Taata, li luumwese imbuli. Ŋa nde huya, nde utiila me imbangi.

Yowani 16:7

Bunuubu, mu mbuli me ndi mu undeele benu, hwafwana huli benu, me mu uyene. Mu toni ati, me upelenzyene, Mukaliini a huya huli benu ve. Ka tso me nzyeni, me tsa tsindaha benu nde.

Yowani 3:17

Nzambi a hatsindihi Mwana a nde mu utsuundasa baatu ve, ka mu toni ati baatu bayoboho mu nde.

Yowani 5:26

We bu Taata ali na monyi mu nde mwakulu, ni bumosi kaka nde hava Mwana muwsa mu ubaha monyi mu nde mwakulu.

Yowani 7:16

Yisu afutili bo: «Ndongisili yi me ndi mu upa, a yili yi me ambaha ve. Ka yo yili ya Nzambi wu atsindaha me.

Yowani 8:40

Ka bunuubu, me wu ndi mu undeele benu imbuli hi me anziha huli Nzambi, benu lili mu usaha uduba me. Abrahami a hasiidi buuna ve.

Yowani 8:47

Muutu wu li wa Nzambi, ubaayuha mambu ma Nzambi. Benu a lili mu uyuha ve, mu toni ati benu a lili baana ba Nzambi ve.»

Mavanga 1:2

nate mu ilumbu hi nde havati hu yulu. Tswamina Yisu mu uvata hu yulu, nde asooli bilumbi na aviidi byo tumili mu matwala ma Livupu la Ngidi.

Mavanga 10:38

Benu liyabi buni Nzambi hasooli Yisu musi Nazareti, na nde aluusi nde mu Livupu la Ngidi na mu matwala ma nde. Benu liyabi ka buni Yisu hakataangila, mu uvanga mamabwe na ubeloso boosi ba baaba baakangama hu tsina matwala ma mukuyi. Nde hasiidi buuna, bu Nzambi habeedi itwadi na nde.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.