Yowani 3:3 - Musamu wu Mubwe

³ Yisu afutili nde bunuubu: «Mu mbuli, mu mbuli me ndi mu undeele we, muutu utwala umono ipfumu hya Nzambi ve, hwavele ubwebuta nde.»

Yowani 3:3 ပူးပေါင်းရင်းမြစ်များ

Yowani 1:13

Bo a bali baana ba Nzambi mu makila, buuve mu litondo li musunya ve, a tso mu litondo la muutu ve. Ka bo baabutimi baana ba Nzambi mu litondo la nde.

Yowani 1:5

Liyalala libaayalusa piipidi. Ka piipidi a yaatwali udimasa lo ve.

Yowani 1:51

Na nde abweleele: «Mu mbuli, mu mbuli me ndi mu undeele benu, benu sa limono mayulu bwasi, na bapofi ba Nzambi mu ukuma, na ukulamana ŋa yulu a nde Mwana a Muutu!»

Yowani 12:40

«Nzambi adibuhi miisu ma bo, nde aviidi bo kamini mutima, mana bo bavelemono mu miisu ma bo, mana baveletsikaha mu mitima mya bo, mana bavelekingula buyedi na uyafutaha huli me, kini me umbeeloso bo.»

Yowani 3:4

Nikodemo akaali: «Buni mukuutu bahala mbii me, utwala ubwebutama hu unyatihi? Nde utwala ubwekoto mu monyi a ngu a nde na ubutama butama la yoole ve.»

Ngalaatiya 6:15

Ni mu buuna, tso huli wu baakete, buve wu baavelekete, tsongo yove: hya tsongo, ni mu ukituha muutu wu munyatihi.

Tiite 3:5

Nzambi hafuuhisi bisu, a mu tonyi ati bisu laavanga mambu mamabwe ve. Naana! Nde hafuuhisi bisu, mu bunene bwa kwili lingebe a nde mu bisu. Nde hafuuhisi bisu, mu tangu yi Livupu la Ngidi laaswahi bisu na laavidi bisu buta li linyatihi.

Yaki 3:17

Ka muutu nga a dyele li libaamata hu yulu, ateehele na mutima wu atsyeme. Titswene, nde atondo isuusi, kulimini na nzuhili. Muutu mowuuna na kwili lingebe, na upalisa mbutu yimbwe. Nde a hubaasa burandu ve, na nde a hali kaka na muwala ve.

1 Peetelo 1:3

Ba wu baasyeme Nzambi, Taata a Pfumu a bisu Yisu Kristo! Mu bunene bwa kwili a nde lingebe, nde amiiva bisu monyi wu munyatihi, mu tsuuhili a Yisu Kristo ŋa hati la babaakwa. Nde hasiidi buuna, mana bisu liba na hiitu hi hili monyi.

1 Yowani 2:29

Benu liyabi ti Kristo li wu akuha. Ni mu buuna, benu laafwana uyaba kaka ti, woosi wu ubaavanga mambu ma maasungama, li wu Nzambi habuta.

1 Yowani 3:9

Pasi muutu wu Nzambi habuta, masumu ubwesa ve mu toni ati, monyi wu ubaamata huli Nzambi, ubaakwilala mu nde. Nde masumu ubwesa ve mu toni ati, Nzambi ni wu abuta nde.

1 Yowani 5:1

Woosi wu ubaasa imiinu ti Yisu ni Kristo, li wu Nzambi habuta. Na woosi wu atondo Nzambi Taata, atondo kaka baana ba nde habuta.

1 Yowani 5:18

Bisu liyabi ti pasi wu Nzambi habuta, a hubaabwesumaha ve, mu toni ati Mwana a Nzambi ubaakeelese nde, na Nga bubi utwala ubwevangila nde lilibi ve.

1 Yowani 5:4

Mu toni ati, boosi ba Nzambi habuta, bubaabiingala tsi. Na ilwanili hi bisu libaabiingala tsi, ni imiinu hya bisu.