Yowani 3:18 - Musamu wu Mubwe

¹⁸ Woosi wu li mu usiila nde imiinu amiipala mu tsundusu. Ka woosi wu avelesiila nde imiinu, amiikoto mu tsundusu, mu toni ati nde a hasa imiinu mu nduhi a Mwana a Nzambi wu livingu ve.

Yowani 3:18 ပူးပေါင်းရင်းမြစ်များ

Yowani 1:12

Ka boosi ba baayaki nde, na huli boosi ba baasiidi imiinu mu nde, nde aviidi bo muswa mu uba baana ba Nzambi.

Yowani 1:18

A hu li na muutu wu amiimono Nzambi ve. Ka ndulu Mwana wu livingu, wu li Nzambi na wu ubaatsahala ŋa tsoho a Taata, ni nde amwese bisu buni Nzambi ali.

Yowani 20:31

Ka mambu ma baasonehe hutso libuuku, baasonehe mo mana benu lisa imiinu ti Yisu ni Kristo. Nde ni Mwana a Nzambi. Na bu benu luusa imiinu, benu luubaha monyi mu nduhi a nde.

Yowani 3:16

Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha monyi wu bilima na bilima.

Yowani 3:36

Muutu wu ubaasiila Mwana a Nzambi imiinu, li na monyi wu bilima na bilima. Ka wu uveleyuhala Mwana a Nzambi, a hubaha monyi mo ve. Na kesi a Nzambi sa yiba ŋa yulu a nde.»

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Yowani 6:40

Eye, litondo la Taata a me ni liniili: woosi wu umono Mwana a nde, na usiila nde imiinu, ubaha monyi wu bilima na bilima. Na me utsuula nde mu ilumbu hya tsyelele.»

Yowani 6:47

Mu mbuli, mu mbuli, me ndeele benu lo, wuuna wu usiila nde imiinu, miibaha monyi wu bilima na bilima.

Looma 5:1

Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo.

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 8:34

Ka na utwala usyembe bo? Muutu ve, mu toni ati Yisu Kristo miikwa, titswene nde miisuuha, nde li ŋa mbahala a Nzambi. Na nde li mu usambila mu bisu!

1 Yowani 3:23

Bunuubu, Mukele wu Nzambi ali mu uva bisu ni wunuwu: bisu libaasa imiinu mu nduhi a mwana a nde Yisu Kristo, na libaatondosono mu bumwana bu bungu, we bu Kristo hatumi bisu.

1 Yowani 4:9

Mono buni Nzambi hamwese litondo la nde mu bisu: Nzambi atsindihi Mwana a nde ndulu mumosi ŋa tsi, mana bisu libaha monyi mu nde.

1 Yowani 5:10

Ni mu buuna, woosi wu usa imiinu mu Mwana a Nzambi, nde mwakulu ubaasiinga imbangi mohiina mu mutima a nde woosi. Ka muutu wu ubaavelesa imiinu mu Nzambi, ubaateele Nzambi «mupfuti». Mu toni ati, nde a hubaasiinga imbangi hi Nzambi hatiili mu Mwana a nde ve.

1 Yowani 5:12

Pasi muutu wu akangama mu Mwana, li na monyi. Ka pasi muutu wu avelekangama mu Mwana a Nzambi, a hali na monyi ve.