Yowani 3:16 - Musamu wu Mubwe

¹⁶ Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha monyi wu bilima na bilima.

Yowani 3:16 ပူးပေါင်းရင်းမြစ်များ

Luuka 2:14

«Muyusu huli Nzambi hu yulu, na hyenze ŋa toto huli baatu ba nde hatondo.»

Yowani 1:14

Mukuma akituhi musunya na nde atsahili ŋa hati la bisu, wu aluula mu hyese na imbuli. Bisu laakengisi muyusu a nde, muyusu wu Mwana wu livingu ali mu uyaka huli Taata a nde.

Yowani 1:18

A hu li na muutu wu amiimono Nzambi ve. Ka ndulu Mwana wu livingu, wu li Nzambi na wu ubaatsahala ŋa tsoho a Taata, ni nde amwese bisu buni Nzambi ali.

Yowani 1:29

Ilumbu hi hyadukili, nde amoni Yisu mu uyiila nde. Yowani aleeli: «Monwaani Limeme la Nzambi li libaamaasa masumu ma baatu.

Yowani 10:28

Me ndi mu unzyeholo mo monyi wu bilima na bilima: mo a muukwa ve. A hu li na muutu wu utwala upatula mo ŋa kaka la me ve.

Yowani 3:15

mana boosi ba bali mu usiila nde imiinu, babaha monyi wu bilima na bilima.

Yowani 3:18

Woosi wu li mu usiila nde imiinu amiipala mu tsundusu. Ka woosi wu avelesiila nde imiinu, amiikoto mu tsundusu, mu toni ati nde a hasa imiinu mu nduhi a Mwana a Nzambi wu livingu ve.

Yowani 3:36

Muutu wu ubaasiila Mwana a Nzambi imiinu, li na monyi wu bilima na bilima. Ka wu uveleyuhala Mwana a Nzambi, a hubaha monyi mo ve. Na kesi a Nzambi sa yiba ŋa yulu a nde.»

Yowani 6:40

Eye, litondo la Taata a me ni liniili: woosi wu umono Mwana a nde, na usiila nde imiinu, ubaha monyi wu bilima na bilima. Na me utsuula nde mu ilumbu hya tsyelele.»

Looma 5:10

Bu bisu laaba baboho ba Nzambi, nde anongi na bisu mu lipfu la mwana a nde. Tandisini a buunubu bu bisu limiinongo na Nzambi, buni nde huvelefuhasa bisu mu monyi a mwana a nde?

Looma 5:8

Ka mono buni Nzambi hamwesi bunene bu litondo la nde mu bisu: ŋa bisu laaba kini banga masumu, Kristo akwidi mu toni a bisu.

Looma 8:32

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

2 Tesalonika 2:16

Mu hyese hya nde, Nzambi Taata a bisu atondo bisu, na nde ava bisu ibahala hi hyavele na tsukusu na hiitu hi hibwe. Nyaha nde na Pfumu a bisu Yisu Kristo nde mwakulu,

Tiite 3:4

Ka Nzambi Mufuhisi a bisu, mu tangu yi yafwana, amwesi bubwe bwa nde, na buni nde hafula utondo muutu.

1 Yowani 3:1

Monwaani ki pila litondo Nzambi hatondi bisu! Nde li mu uteele bisu baana ba nde. Mbuli, bisu ni baana ba nde. Tso baatu ba tsi a bayabi bisu ve, ni buuna kaka, bo a bayabi Nzambi ve.

1 Yowani 4:19

Ka uto ti bisu, bisu libaatondo Nzambi, mu toni ati nde atswamini utondo bisu.