Yowani 3:12 - Musamu wu Mubwe

¹² Benu a laasiila me imiinu ŋa me toyili benu misamu mya toto ve. Buni benu luusa imiinu ŋa me utoyele benu misamu mi mayulu?

Yowani 3:12 ပူးပေါင်းရင်းမြစ်များ

Yowani 3:11

Mu mbuli, mu mbuli me ndi mu undeele we, bisu ubaaleele ma bisu layaaba, na bisu ubaata imbangi mu ma bisu laamono, ka benu a lili mu uyaka imbangi hya bisu ve.

Yowani 3:3

Yisu afutili nde bunuubu: «Mu mbuli, mu mbuli me ndi mu undeele we, muutu utwala umono ipfumu hya Nzambi ve, hwavele ubwebuta nde.»

Yowani 3:5

Yisu afutili nde bunuubu: «Mu mbuli, mu mbuli me ndi mu undeele we, hwavele ubuta muutu mu mamba na mu Livupu, nde utwala ukoto mu ipfumu hya Nzambi ve.

Yowani 3:8

Livupu lili we ifula. Lo libanyingasa hu lo litondi. Muutu ubaayuha kele a lo, hwavele uyaaba huni lo lili mu umata, tso huni lo lili mu uyene. Hu li bumosi kaka mu pasi muutu wu miibutama mu Livupu.»

1 Timoteho 3:16

Mu mbuli, muutu utwala utuna love ti, tswehi matsimi ma inzambi, yi Nzambi hayabisi bisu, yili yinene. Kristo ayamonehele huli bisu mu linyutu li musunya, Livupu la Ngidi laasilisi, ti nde li wu akuha. Nde amonihili huli bapofi, na baayabisi tsangu a nde, huli ba baavele Bayudaayo. Baayaki nde na hiitu mu tsi yoosi, Nzambi asyenuli nde mu muyusu.

1 Yowani 4:10

Na mono litondo buni lili: a huli ti ni bisu laatondi Nzambi ve, ka ni nde atondi bisu na atsindihi Mwana a nde, wu aviidi muvumu a nde mu bungodu mu toni umaasa masumu ma bisu.