Yowani 20:2 - Musamu wu Mubwe

² Nde ayeni tiinu mu uyabiisala Simoni Peetelo na muyihi wu Yisu haba hatondo. Nde aleeli bo: «Baamiimaasa nyutu a Pfumu mu ngila, na bisu a liyaabi huni baamiiyasusa yo ve.»

Yowani 20:2 ပူးပေါင်းရင်းမြစ်များ

Yowani 13:23

Mumosi mu bayihi, wu Yisu haba hatondo, aba atsahala ŋa pedu a Yisu.

Yowani 19:26

Yisu amoni ngu a nde na muyihi wu nde hakatondo, ateleme ŋa pedu a nde. Yisu aleeli huli ngu a nde: «Maama, mono mwana a we.»

Yowani 20:13

Bapofi baafuuli nde: «Maama, mu hima we li mu ulila?» Nde afutili bo: «Mu toni ati baamiimasa Pfumu a me, na me a hanzaabi huni baayasuusa nyutu a nde ve.»

Yowani 20:15

Yisu afuuli nde: «Maama, mu hima we li mu ulila? We na li mu usaha?» Bu nde hakatsima ti muutu wu, aba musali a wooto, mukaasu aleeli nde: «Pfumu, tso ni we biti nde, leele me huni we suusi nde, na me nzapolo nde.»

Yowani 20:9

Mu tangu moyiina, bayihi baabeedi kini a baatsikihi Libuuku la Ngidi ve. Lo lili mu uleele ti, Yisu aba afwana usuuha mu babaakwa.

Yowani 21:20

Peetelo akinguha, nde amoni ŋa mbisa a bo, muyihi wu Yisu haba hatondo, mu uduukala bo. Muyihi wu abandimi ŋa tulu a Yisu na wu aleeli: «Pfumu, na wuuna wu usumbasa we?»

Yowani 21:24

Ni muyihi mowunuuwu li mu uta imbangi mu mambu momanima, na ni nde asonehe mo. Na bisu liyaabi ti imbangi hya nde hili hya mbuli.

Yowani 21:7

Na muyihi wu Yisu haba hatondo, ni uleele Peetelo: «Nde ni Pfumu!» Bu Simoni Peetelo hayuhi ti «nde ni Pfumu», nde apoti ikutu mu luungu la nde, mu toni ati nde aba pene, na nde abwidi mu mamba.