Yowani 18:4 - Musamu wu Mubwe

⁴ Bu Yisu haba hayaaba moosi ma maakayiila nde, nde ayidi na aleeli bo: «Na benu lili mu usaha?»

Yowani 18:4 ပူးပေါင်းရင်းမြစ်များ

Luuka 24:44

Titswene nde aleeli bo: «Monwani mambu ma me anzaabisi benu ŋa me amba kini ŋa hati la benu. Hwafwana ti, mambu momanima moosi ma baasonehe ma Ngidi mu me, matswiha. Mambu mo mali mu mikele mya Moose, hutso mabuuku ma mimbihuli na mu buuku li Mikuunga.»

Yowani 13:1

Tswamina mukungi a Paake, Yisu ayaabi ti tangu a nde yi usiisa tsi moyiniyi, mu uyene huli Taata aba yaamiito. Nde aba atondo ba nde ba baaba mu tsi. Nde aba afula utondo bo nate hu tsukusu.

Yowani 13:11

Yisu aba ayaaba ti Yuda usumbasa nde. Ni mubuuna nde haleeli ti: «Benu lili ba laatsyeme, ka a benu boosi ve.»

Yowani 18:5

Bo bafutili: «Yisu, musi Nazareti.» Yisu ni uleele bo: «Me ndyowu!» Yuda wu akasumbasa nde ni ŋaana haba na bo.

Yowani 18:7

Yisu abwefuula bo: «Na benu lili mu usaha?» Bo baafutili: «Yisu musi Nazareti.»

Yowani 19:28

Humbisa a mambu momaana, Yisu aba ayaaba ti moosi mamiikuha. Ka mu toni a ma baasonehe mu Libuuku la Ngidi mavangama, Yisu aleeli: «Me aka na peyu a mamba.»

Yowani 6:64

Ka ŋa hati la benu, hu li na ba baavelesa imiinu.» Mu mbuli, Yisu aba ayaaba umata hu mbandu, baana ba baavelesa imiinu mu nde, na wu akiyeholo nde.

Mavanga 2:28

We amwesi me manzila ma mubaabita hu monyi. We uluusa me mu kinya, bu we uba ŋa muvanga a me.”

1 Peetelo 4:1

Bu Kristo hamoni pasi mu musunya a nde, benu kaka, vangamaani bumosi we nde. Mu toni ati, wu miimono pasi mu musunya a nde, miitahuha na masumu.