Yowani 17:9 - Musamu wu Mubwe

⁹ Ni mu toni a bo, me ndi mu utsambila we. Me a handi mu utsambila mu baatu ba tsi ve, ka mu ba we ava me, bu bo bali ba we abaha.

Yowani 17:9 ပူးပေါင်းရင်းမြစ်များ

Luuka 22:32

Ka me atsambili mu we, mana hiitu hya we mu Nzambi, hiveletsuda. Na ŋa we uyafutaha huli me, hwadisa baana ba ngu a we.»

Luuka 23:34

[Yisu aleeli: «Taata, sa bo kolo-kolo, mu toni ati, bo a bayabi ma bali mu uvanga ve.»] Bo baatiidi ngodo mu ukaba bikutu bya nde.

Luuka 8:34

Bakelisi ba bangulu bamono ma maavyohi, baabati, na baayayabisa musamu hutso musyenge mo na mu mala.

Yowani 14:16

Me tsa pondo Taata mu uva benu mukaliini mukima, wu ukumbasa na uba na benu mu bilima na bilima.

Yowani 17:2

We aviidi nde lituma ŋa yulu a baatu boosi, mana nde ava monyi wu bilima na bilima huli boosi ba we ava nde.

Yowani 17:20

Me a handi mu utsambila we ndulu mu bo ve, ka napa mu ba buusiila me imiinu mu ma bo buuleele mu me.

Yowani 17:6

Me anzaabisi nduhi a we huli baatu ba we apalisi mu tsi, ba we aviidi me. We abahi bo, ka we ava me bo, na bo baasingili mikuma mya we.

Yowani 6:37

Boosi ba Taata huva me, sa baya huli me. Na pasi nde wu uya huli me, me a unyasula nde ve.

Yowani 6:39

Na litondo la wu atsindaha me ni liniili: ti me pelenyambasana tso muutu mumosi mu boosi ba nde haviidi me, ka ni ti me tsuula bo ŋa hati la babaakwa mu ilumbu hya tsyelele.

1 Yowani 5:19

Bisu liyabi ti bisu lili baana ba Nzambi, na tsi moyiniyi yoosi yili hutsina matwala ma Nga bubi.