Yowani 17:8 - Musamu wu Mubwe

⁸ Mu toni ati, me apa bo mambu ma we ava me. Bo baayaka mo, bo baayaba ti mu mbuli me mu we apala. Na bo baasa imiinu ti we ni wu atsindaha me.

Yowani 17:8 ပူးပေါင်းရင်းမြစ်များ

Yowani 12:49

Mu toni ati mambu ma me nzabisi benu, a mali ma me mwakulu ve. Ka nde mwakulu Taata wu atsindaha me, atuma me mambu ma me apfwana uleele na ulongese.

Yowani 14:10

We afwana usa imiinu ti me ndi mu Taata, na ti Taata li mu me. Mambu ma me ndi mu undeele, a mali mu umata huli me ve. Ka Taata wu li mu me, ni wu li mu ukuhasa mavanga ma nde.

Yowani 15:15

Me a handi mu umbweteele benu basalili ve. Mu toni ati musalili a hubaayaaba ma pfumu a nde ubaasa ve. Ka me ndi mu uteele benu bambahi, mu toni a ti me unzabisa benu moosi ma me anziha huli Taata a me.

Yowani 16:27

mu toni ati Taata nde mwakulu atondo benu. Nde hatondo benu bu benu laatondo me, na mu toni ati benu laasa imiinu ti me huli Taata amata.

Yowani 16:30

Bunuubu bisu limiitsikaha ti we ayaaba mambu moosi, na we a hali na nzala ti muutu ava we hyuhu ve. Ni mubuuna, bisu limiisa imiinu ti we mu Nzambi apala.»

Yowani 17:14

Me apa bo mikuma mya we, na baatu ba tsi na piinga mu bo. Mu toni ati, bo a bali ba tsi ve, we bu me apele wa tsi moyiniyi.

Yowani 17:18

We bu we atsindihi me mu tsi, me kaka miitsindaha bo mu tsi.

Yowani 17:21

Me ndi mu utsambila, mana boosi baba we muutu mumosi. Taata, nyaha bo baba itwadi mu we na me, we bu we li itwadi na me, na me ndi itwadi na we. Nyaha bo baba muutu mumosi, mana baatu ba tsi basa imiinu ti ni we atsindaha me.

Yowani 17:23

Me ndi monyi mu bo, na we li monyi mu me. Buuna, bo buuba muutu mumosi we bu hwafwana, mana baatu ba tsi bayaaba ti we atsindaha me, na ti we atondo bayihi ba me we bu we atondo me.»

Yowani 17:3

Ka monyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.

Yowani 3:17

Nzambi a hatsindihi Mwana a nde mu utsuundasa baatu ve, ka mu toni ati baatu bayoboho mu nde.

Yowani 3:33

Muutu wu li mu usiinga imbangi hya nde, li mu usilasa ti Nzambi li imbuli.

Yowani 6:68

Simoni Peetelo ni ufutala nde: «Pfumu, bisu ka huli na luuyene? We ni nga mambu ma mubaava monyi wu bilima na bilima.

Yowani 8:42

Yisu afutili bo: «Tso Nzambi li mu mbuli Taata a benu, benu likiiba na litondo mu me. Mu toni ati, me mu Nzambi apala na, ni mu nde me ndi. Me a hanza mu matsimi ma me mwakulu ve, ka mu ma wu atsindaha me.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

1 Tesalonika 4:1

Hutsyelele, benu laayihi huli bisu mbiili yi benu lafwana uba na yo mu ubaamwese Nzambi kinya. Eye, benu laaka na mbiili moyiina. Ka bunuubu, bisu livondi na litumi benu mu ubaafulala usa buuna mu nduhi a Yisu. Vangaani bu hwafulala maana!

1 Yowani 4:14

Na bisu laamoni, na lili mu uta imbangi, ti Taata Nzambi atsindihi Mwana a nde Yisu Kristo, mu uba mufuhisi a tsi.