Yowani 17:3 - Musamu wu Mubwe

³ Ka monyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.

Yowani 17:3 ပူးပေါင်းရင်းမြစ်များ

Luuka 9:48

Na nde aleeli: «Pasi muutu wu uyaka ikenyi mohi mu nduhi a me, ni me nde ayaki. Na muutu wu miyaka me, miyaka ka wuna wu atsindaha me. Mu toni ati, wu afula bungebe ŋa hati la benu boosi, ni nde wu afula bukuutu.»

Yowani 10:36

Na me, Taata asoolo me na nde atsindaha me mu tsi. Ni mu buuna, me ndeeli ti: “Me ndi Mwana Nzambi.” Ka buni benu lili mu uleele ti me ndi mu utsafula Nzambi?

Yowani 11:42

Me nzaabi ti we ubaayuhala me tangu yoosi. Ka me ndeeli buuna, mu toni a konge a baatu mo baniba ba baadiinga me, mana bo basa imiinu ti ni we atsindaha me.»

Yowani 14:26

Ka mukaliini, Livupu la Ngidi li Taata hutsindaha mu nduhi a me, luulongese benu mu bisiha byosi. Lo luusa ti benu liyibwala monyi, mu moosi ma me andeele benu.»

Yowani 17:18

We bu we atsindihi me mu tsi, me kaka miitsindaha bo mu tsi.

Yowani 17:21

Me ndi mu utsambila, mana boosi baba we muutu mumosi. Taata, nyaha bo baba itwadi mu we na me, we bu we li itwadi na me, na me ndi itwadi na we. Nyaha bo baba muutu mumosi, mana baatu ba tsi basa imiinu ti ni we atsindaha me.

Yowani 17:23

Me ndi monyi mu bo, na we li monyi mu me. Buuna, bo buuba muutu mumosi we bu hwafwana, mana baatu ba tsi bayaaba ti we atsindaha me, na ti we atondo bayihi ba me we bu we atondo me.»

Yowani 17:25

Taata Nga Butsiitsa, baatu ba tsi a bayaaba we ve. Ka me, me anzaaba we, na bayihi ba me bamiisilasa ti we ni wu atsindaha me.

Yowani 17:8

Mu toni ati, me apa bo mambu ma we ava me. Bo baayaka mo, bo baayaba ti mu mbuli me mu we apala. Na bo baasa imiinu ti we ni wu atsindaha me.

Yowani 3:17

Nzambi a hatsindihi Mwana a nde mu utsuundasa baatu ve, ka mu toni ati baatu bayoboho mu nde.

Yowani 3:34

Muutu wu Nzambi hatsindaha, ubaaleele mambu ma Nzambi. Mu toni ati, Nzambi ubaava nde Livupu mu iteesi hi hyafulala.

Yowani 5:44

Buni benu luutwala usa imiinu mu me? Benu ba libaayusasana, na ba lavelesaha muyusu wu ubaamata huli Nzambi siha.

Yowani 6:57

We bu Taata wu atsindaha me ali monyi, me ndi monyi mu toni a Taata. Bumosi kaka, muutu wu udya musunya a me sa aba monyi mu toni a me.

Yowani 7:29

Me, me nzaabi nde, mu toni ati me miimata huli nde, na ni nde atsindaha me.»

Yowani 8:19

Na bo baafuuli nde: «Taata a we huni a li?» Yisu afutili: «Benu a layaaba me ve, tso Taata a me ve. Kini benu layaaba me, benu likiiyaaba kaka Taata a me.»

Filiipo 3:10

Hi me ndi mu utsaha hyosi, ni uyaaba Kristo bubwe-bubwe, na uyaaba matwala ma tsuuhili a nde mu babaakwa. Hi me tondi, ni umono mapasi we bu nde hamoni, na ukwa mu toni a nde, we bu nde hakwidi mu me.

Filiipo 3:8

Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

1 Tesalonika 1:9

Boosi bali mu utoyo mu nzakili yi benu laayaki bisu. Bo bali mu utoyo kaka, bu benu laakinguhi huli Nzambi. Benu laatiimbi bifwita mu usalila Nzambi wu li monyi na wu li mbuli,

2 Tesalonika 1:8

Nde sa aya hutso a ludi la mbaahu, mu usyembe ba baaveleyaba Nzambi na ba baavelesingala Musamu wu Mubwe wa Pfumu a bisu Yisu.

2 Peetelo 1:2

Nyaha Nzambi asyeme benu na ava benu hyenze hi hyafulala mu nzabili a Nzambi na Yisu Pfumu a bisu.

2 Peetelo 1:3

Nzambi mu matwala ma nde, ava bisu byosi bi byakuha mu idiingu hya bisu, mu ukangama mu nde. Pfumu ayabisi bisu wuuna wu ateele bisu, mu muyusu na bubwe bwa nde.

2 Peetelo 1:8

Eye, tso benu lili na bisiha mobiina, na tso byo bipfuni mu benu, byo byutelemese benu mu usala. Na nzabili a Pfumu a bisu Yisu Kristo sa yibutala benu mimbutu.

1 Yowani 1:2

Na monyi mowuuna amonihili huli baatu. Bisu kaka laamoni nde, bisu lili mu utiila nde imbangi, na bisu laalongisi benu mu toni a muutu wu ubaava monyi wu bilima na bilima. Nde wu abeedi na Taata umata beleve, na bunuubu, nde amiimonehele huli bisu.

1 Yowani 1:3

Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.

1 Yowani 2:23

Ni mu buuna, woosi wu ubaatuna Mwana, ubaatuna kaka Taata. Ka woosi wu ubaasiinga ti Yisu Mwana a Nzambi, nde li kaka itwadi na Taata.

1 Yowani 4:6

Ka bisu, lili ba Nzambi habaha. Woosi wu ayaaba Nzambi, uyuhala bisu. Pasi wu aveleyaaba mwana a Nzambi, a huyuhala bisu ve. Ni buuna bisu libaatsikaha banga Livupu la mbuli na banga livupu li mapfuta.

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.