Yowani 17:2 - Musamu wu Mubwe

² We aviidi nde lituma ŋa yulu a baatu boosi, mana nde ava monyi wu bilima na bilima huli boosi ba we ava nde.

Yowani 17:2 ပူးပေါင်းရင်းမြစ်များ

Yowani 17:24

«Taata, me tondi ti baatu ba we ava me, baba na me ŋa me umba. Me tondi ti bo bamono muyusu a me. Ni muyusu wu we ava me, mu toni ati, we atondo me tswamina pangili a tsi.

Yowani 17:6

Me anzaabisi nduhi a we huli baatu ba we apalisi mu tsi, ba we aviidi me. We abahi bo, ka we ava me bo, na bo baasingili mikuma mya we.

Yowani 17:9

Ni mu toni a bo, me ndi mu utsambila we. Me a handi mu utsambila mu baatu ba tsi ve, ka mu ba we ava me, bu bo bali ba we abaha.

Yowani 3:35

Taata ubaatondo Mwana, na amiiva bisiha byosi ŋa myoho mya nde.

Yowani 4:14

Ka muutu wu unywa mamba ma me upa nde, a hubwebaha peyu ve. Mamba ma me upa nde, sa makituha mutswe a nzali mu nde. Ni mutswe a nzali wu ukaapalisa mamba na mifudi, te mu monyi wu bilima na bilima.»

Yowani 6:27

A lisala mu toni a byudya bi bibaabungana ve. Ka salaani mu toni a byudya bi bibaava baatu monyi wu bilima na bilima. Ni byudya bi Mwana a Muutu huva benu, mu toni ati Taata Nzambi amiikuma nde iliimbu, mu umwese ti nde amiisilasa lituma la nde.»

Yowani 6:37

Boosi ba Taata huva me, sa baya huli me. Na pasi nde wu uya huli me, me a unyasula nde ve.

Yowani 6:39

Na litondo la wu atsindaha me ni liniili: ti me pelenyambasana tso muutu mumosi mu boosi ba nde haviidi me, ka ni ti me tsuula bo ŋa hati la babaakwa mu ilumbu hya tsyelele.

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Filiipo 2:10

Mana mu muyusu a nduhi a Yisu, bya monyi byosi, bya hu yulu, bya ŋa toto na bi bili hu tsi a babaakwa, bitsokomo.

1 Timoteho 1:16

Ka Nzambi amiikwila me lingebe, wu uli wa tsomi mu banga masumu. Nde havangi buuna, mana nde amwese huli baatu mukami a nde. Nde avoli me we ifwani, mana bakima ba bu usa imiinu mu nde, bayaka monyi wu bilima na bilima.

1 Peetelo 3:22

Nde wu ayeni hu yulu, na wu li ŋa mbahala a Nzambi, hu nde ali mu utuma bapofi, na bipfumu bikima, na matwala ma hu yulu.

1 Yowani 1:2

Na monyi mowuuna amonihili huli baatu. Bisu kaka laamoni nde, bisu lili mu utiila nde imbangi, na bisu laalongisi benu mu toni a muutu wu ubaava monyi wu bilima na bilima. Nde wu abeedi na Taata umata beleve, na bunuubu, nde amiimonehele huli bisu.

1 Yowani 2:25

Mu mbuli, monyi wu bilima na bilima, ni lahi li Kristo asiidi bisu.

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.

Yude 1:21

Kwilalaani ka hutso litondo la Nzambi, mu ukeele Pfumu a bisu Yisu Kristo. Mu bubwe bwa nde, benu luubaha monyi wu bilima na bilima.