Yowani 16:3 - Musamu wu Mubwe

³ Bo buusa buuna, mu toni ati, bo a bayaba tso Taata, tso me ve.

Yowani 16:3 ပူးပေါင်းရင်းမြစ်များ

Luuka 10:22

Taata a me aviidi me byosi ŋa myoho mya me. A huli na muutu wu uyaba Mwana ni na, tso a ni Taata ve. Na muutu a hayaba Taata ni na, tso a ni Mwana ve, na huli nde wuna ka wu Mwana atondi usaangula lo.»

Yowani 15:21

Ka bo busiila benu mavanga mamabi maana moosi mu toni a me. Mu toni ati, bo a baayaba wu atsindaha me ve.

Yowani 15:23

Muutu wu li iboho na me, nde li kaka iboho na Taata a me.

Yowani 17:25

Taata Nga Butsiitsa, baatu ba tsi a bayaaba we ve. Ka me, me anzaaba we, na bayihi ba me bamiisilasa ti we ni wu atsindaha me.

Yowani 17:3

Ka monyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.

Yowani 8:19

Na bo baafuuli nde: «Taata a we huni a li?» Yisu afutili: «Benu a layaaba me ve, tso Taata a me ve. Kini benu layaaba me, benu likiiyaaba kaka Taata a me.»

Yowani 8:55

Benu a liyaabi nde ve, ka me, me nzaabi nde. Tso me ndeeli ti me a hanzaabi nde ve, me umba mupfuti we benu. Ka me nzaabi nde, na me umbaakeelese mikuma mya nde.

Mavanga 3:17

Bunuubu, baana ba ngu, me nzaabi bubwe ti benu na bakuutu ba benu, laavangi buuna hutso budimbu.

2 Tesalonika 1:8

Nde sa aya hutso a ludi la mbaahu, mu usyembe ba baaveleyaba Nzambi na ba baavelesingala Musamu wu Mubwe wa Pfumu a bisu Yisu.

1 Timoteho 1:13

Nzambi akwili me lingebe, tso bu me akandeele mamabi mu nde, tso bu me akakwamisa baatu ba nde, tso bu me amba mutuhi. Nde hasidi buuna, mu toni ati, me a hakanzaba ma me akapanga ve, mu pelili imiinu.

1 Yowani 2:23

Ni mu buuna, woosi wu ubaatuna Mwana, ubaatuna kaka Taata. Ka woosi wu ubaasiinga ti Yisu Mwana a Nzambi, nde li kaka itwadi na Taata.

1 Yowani 3:1

Monwaani ki pila litondo Nzambi hatondi bisu! Nde li mu uteele bisu baana ba nde. Mbuli, bisu ni baana ba nde. Tso baatu ba tsi a bayabi bisu ve, ni buuna kaka, bo a bayabi Nzambi ve.

1 Yowani 4:8

Ka muutu wu aveletondo bana, kini a hayaabi Nzambi ve. Mu toni ati, Nzambi ni litondo.

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.