Yowani 16:2 - Musamu wu Mubwe

² Bo sa bapalisa benu mu manzo ma lisambulu li Bayudaayo. Na tangu yili mu uya, yi bo buutsima ti, tso bo badubi benu, yiina ni nzila huli bo yi ukuunda Nzambi.

Yowani 16:2 ပူးပေါင်းရင်းမြစ်များ

Luuka 6:22

Kinya homo huli benu tso baatu bali mu ubele benu, bali mu unyasula benu, bali mu utuha benu na ubaakusa benu, mu toni a Mwana a muutu.

Yowani 12:42

Tso buuna, babalahi ŋa hati li bakuutu ba Bayudaayo baasiidi imiinu mu Yisu. Ka mu toni Bafarisi, bo a baakasangula mo payalala ve, mana a babingasa bo mu nzo lisambulu yi Bayudaayo.

Yowani 16:25

«Me miinzabisa benu mambu momaana mu makuma. Tangu sa yiya yi me umbwepeletoyo na benu mu makuma. Ka ni tangu yi me unzaabisa benu payalala, ma mali mu utala Taata.

Yowani 16:32

Tangu yika mu uto, na yo yaamiito, yi benu lupambuha muutu muutu ya nde tsyelo, na yi benu lusiisa me siha vii. Ka me a handi siha ve, mu toni ati Taata na me ali.

Yowani 4:21

Yisu aleeli nde: «Maama, siila me imiinu, tangu sa yito, yi benu lukaakunda Taata Nzambi pasi mbuha, tso hu Yeruselemi, tso ŋa yulu isyelo mohinihi.

Yowani 4:23

Ka tangu sa yito, na yo yaamiito, yi bakuundi ba mbuli buukakuunda Taata mu mutima woosi na mu imbuli hyosi. Mu toni ati, ni bakuundi ba pila yiina Taata ali mu usaha.

Yowani 9:22

Bo baaleeli buuna mu toni ati bo baaba na boomo bu batumi ba Bayudaayo. Batumi ba Bayudaayo baayuhisini mu ubinga mu nzo lisambulu yi Bayudaayo, pasi muutu wu usilasa ti Yisu ni Kristo.

Yowani 9:34

Bo baafutili nde: «Bu baabuta we, we li nga masumu umata hu mutswe te hu miilu, na we tondi ulongese bisu?» Buuna bo baabingi nde mu nzo a Nzambi.

Mavanga 5:33

Baatu ba pfuundu banzonzi badasuhi mu mifudi, bu bo baayuhi mambu momaana, na bo baakatondo uduba bilumbi.

Mavanga 7:56

Nde aleeli: «Yuhaani, me ndi mu umono mayulu bwasi, na Mwana a Muutu ateleme ŋa mbahala a Nzambi!»

Filiipo 3:6

Ka uto ti mu lehemene li me ambedi na lo mu Nzambi, me akakwamisa bayihi ba Yisu. Muutu utwala usyembe me mu uvelekinza Mikele ve, mu toni ati, me akakinza myo myosi.