Yowani 14:3 - Musamu wu Mubwe

³ Na tso me nzyeni hu uyavangila benu mbuha, me tsanzapfutaha. Me tsapolo benu, mana hu me umba, benu kaka liba huuna.

Yowani 14:3 ပူးပေါင်းရင်းမြစ်များ

Yowani 12:26

Tso muutu tondi usalila me, nyaha nde aduukala me. Ni mubuuna, ŋa me ndi, musalili a me sa aba na me, na Taata a me sa ayusa nde.»

Yowani 14:28

Benu limiiyuha me mu uleele bu: “Me ka dwe, ka me tsa nzapfutaha huli benu.” Tso benu laatondo me, baani mu kinya bu benu limiiyuha ti me aka mu unzyene huli Taata. Mu toni ati, Taata akulala me.

Yowani 14:4

Na hu me ndi mu unzyene, benu liyaabi nzila.»

Yowani 17:24

«Taata, me tondi ti baatu ba we ava me, baba na me ŋa me umba. Me tondi ti bo bamono muyusu a me. Ni muyusu wu we ava me, mu toni ati, we atondo me tswamina pangili a tsi.

Mavanga 1:11

Baatu mobaana baaleeli bo: «Benu bisu Ngalili, hima benu lamiiteleme ŋa, mu ubaatala hu yulu? Yisu mowunuwu, wu Nzambi amiimasa ŋa hati la benu mu ubita hu yulu, uyafutaha we bu benu limoni nde mu uyene.»

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Filiipo 1:23

Me amiiteleme ŋa busu bwa mambu moole. Tsimi a me ya tsomi ni mu ukwa, mana me tsahala na Kristo. Liina ni li lafulala bubwe.

2 Tesalonika 1:12

Buuna, nduhi a Pfumu a bisu Yisu sa bayusa mu toni a benu. Na sa bayuusa benu mu toni a nde. Hiina sa hiba iliimbu hya hyese hya Nzambi a bisu na Pfumu a bisu Yisu Kristo.

2 Timoteho 2:12

Tso bisu lihwadi, bisu kaka lu utuma na nde. Ka tso bisu lituni nde, nde kaka utunala bisu.