Yowani 13:3 - Musamu wu Mubwe

³ Yisu ayaabi ti Taata aviidi byosi mu lituma la myoho mya nde, na ti huli Nzambi nde hamati. Ka nde yaabi kaka ti nde ufutaha huli Nzambi.

Yowani 13:3 ပူးပေါင်းရင်းမြစ်များ

Luuka 10:22

Taata a me aviidi me byosi ŋa myoho mya me. A huli na muutu wu uyaba Mwana ni na, tso a ni Taata ve. Na muutu a hayaba Taata ni na, tso a ni Mwana ve, na huli nde wuna ka wu Mwana atondi usaangula lo.»

Yowani 1:18

A hu li na muutu wu amiimono Nzambi ve. Ka ndulu Mwana wu livingu, wu li Nzambi na wu ubaatsahala ŋa tsoho a Taata, ni nde amwese bisu buni Nzambi ali.

Yowani 13:1

Tswamina mukungi a Paake, Yisu ayaabi ti tangu a nde yi usiisa tsi moyiniyi, mu uyene huli Taata aba yaamiito. Nde aba atondo ba nde ba baaba mu tsi. Nde aba afula utondo bo nate hu tsukusu.

Yowani 17:2

We aviidi nde lituma ŋa yulu a baatu boosi, mana nde ava monyi wu bilima na bilima huli boosi ba we ava nde.

Yowani 3:13

A hu li na muutu wu avaata hu yulu ve, vengo Mwana a muutu, wu akulamana umata hu mayulu!

Yowani 3:35

Taata ubaatondo Mwana, na amiiva bisiha byosi ŋa myoho mya nde.

Yowani 7:29

Me, me nzaabi nde, mu toni ati me miimata huli nde, na ni nde atsindaha me.»

Yowani 7:33

Yisu ni uleele: «Me kini na benu mu mwana a tangu hoole, titswene me tsa nzyene huli wu atsindaha me.

Yowani 8:14

Yisu afutili bo: «Tso me ndi mu uta imbangi mu me mwakulu, imbangi hya me hili hya mbuli. Mu toni ati, me nzaabi hu me amata, na hu me ndi mu unzyene. Ka benu a liyaabi hu me amata, na hu me ndi mu unzyene ve.

Yowani 8:42

Yisu afutili bo: «Tso Nzambi li mu mbuli Taata a benu, benu likiiba na litondo mu me. Mu toni ati, me mu Nzambi apala na, ni mu nde me ndi. Me a hanza mu matsimi ma me mwakulu ve, ka mu ma wu atsindaha me.

Mavanga 2:36

Ni mu buuna, baatu boosi ba Isereli baafwana uyaba mu mbuli yoosi ti: Yisu wu benu laakomini ŋa kuruwa, Nzambi amiibyalisa nde Pfumu na Kristo.»