Yowani 13:1 - Musamu wu Mubwe

¹ Tswamina mukungi a Paake, Yisu ayaabi ti tangu a nde yi usiisa tsi moyiniyi, mu uyene huli Taata aba yaamiito. Nde aba atondo ba nde ba baaba mu tsi. Nde aba afula utondo bo nate hu tsukusu.

Yowani 13:1 ပူးပေါင်းရင်းမြစ်များ

Luuka 22:53

Me kamba tangu yoosi na benu mu litandala la nzo a Nzambi, na benu a laakaangi me ve. Ka tangu mo yiniyi ka ya benu na yi matwala ma piipidi.»

Luuka 9:51

Ka bu bilumbu bya nzyenili a Yisu hu yulu byaba byaka bebele, nde ataasi uyene hu musyenge a Yeruselemi.

Yowani 11:55

Paake, mukungi Bayudaayo, aba aka bebele. Baatu babalahi baayakuma hu Yeruselemi, mu utsyemese nyutu na muvumu.

Yowani 12:23

Yisu afutili bo: «Ngunga yimiito yi baafwana uyuusa Mwana a Muutu.

Yowani 13:29

Bu Yuda haba ikanga-koome hya mbongo, babalahi baatsimi ti Yisu nde hakatuma mu uyasuumba bi bo baakisalila mu mukungi, buve mu uyakabila mbongo huli biyaha.

Yowani 13:3

Yisu ayaabi ti Taata aviidi byosi mu lituma la myoho mya nde, na ti huli Nzambi nde hamati. Ka nde yaabi kaka ti nde ufutaha huli Nzambi.

Yowani 13:34

Me miipa benu mukele wu munyatihi: tondosonwani. Benu lafwana utondosono, we bu me atondi benu.

Yowani 14:28

Benu limiiyuha me mu uleele bu: “Me ka dwe, ka me tsa nzapfutaha huli benu.” Tso benu laatondo me, baani mu kinya bu benu limiiyuha ti me aka mu unzyene huli Taata. Mu toni ati, Taata akulala me.

Yowani 14:31

Ka baatu ba tsi bafwana mu uyaba ti me atondo Taata, na ti me ndi mu ukuhasa we bu Taata hatuma me. Telemaani, limataani ŋaniŋa!»

Yowani 16:28

Me mu Taata apala, na me anza mu tsi. Bunuubu me ka mu umata ŋa tsi na me ka mu upfutaha huli Taata.»

Yowani 17:1

Nde amana utoyo buuna, Yisu asimbuli miisu hu yulu na aleeli: «Taata, tangu yimiito. Yusa Mwana a we, mana Mwana a we kaka ayusa we!

Yowani 17:16

Bo a bali ba tsi ve, we bu me apele wa tsi.»

Yowani 17:26

Me anzaabisa bo nduhi a we, na me tsa mbwenzaabisa bo yo, mana litondo li we atondo me liba mu bo, na me mba me mwakulu mu bo.»

Yowani 17:5

Bunuubu, Taata, yusa me ŋa busu bwa we. Yusa me mu biyusili bi me amba na byo ŋa pedu a we, tswamina pangili a toto.

Yowani 18:4

Bu Yisu haba hayaaba moosi ma maakayiila nde, nde ayidi na aleeli bo: «Na benu lili mu usaha?»

Yowani 19:28

Humbisa a mambu momaana, Yisu aba ayaaba ti moosi mamiikuha. Ka mu toni a ma baasonehe mu Libuuku la Ngidi mavangama, Yisu aleeli: «Me aka na peyu a mamba.»

Yowani 2:13

Mukungi a Paake yi Bayudaayo aba aka bebele, na Yisu ayeni hu Yeruselemi.

Yowani 6:4

Mukungi a Paake wu Bayudaayo aba aka bebele.

Yowani 7:30

Buuna, bo baasahi ukaanga nde. Ka muutu tso mumosi a hatwali ubembe nde ve, bu tangu a nde yaba kini a yatoodi ve.

Yowani 7:6

Yisu aleeli bo: «Tangu a me a yamato kini ve, ka uto ti mu benu, pasi tangu yili yimbwe.

Yowani 8:20

Yisu haleeli mambu momaana, ŋa nde haba mu ulongese mu nzo a Nzambi, bebele na iswehili hi bungodu. Muutu tso mumosi a hakangi nde ve, mu toni ati tangu a nde aba kini a yatoodi ve.

Looma 8:37

Ka mu mambu momaana moosi, bisu laafulala mbiingili mu toni a nde wuuna wu atondo bisu.

1 Peetelo 1:13

Ni mu buuna, vangamaani! Baani likanda! Saani hiitu hya benu hyosi mu hyese hi Nzambi huva benu, ŋa Yisu Kristo huyamonehele.

1 Yowani 4:19

Ka uto ti bisu, bisu libaatondo Nzambi, mu toni ati nde atswamini utondo bisu.