Yowani 1:9 - Musamu wu Mubwe

⁹ Liyalala moliina laaba ni liyalala la mbuli a mbuli, li lili mu uya mu tsi. Lo lili mu uyalusa baatu boosi.

Yowani 1:9 ပူးပေါင်းရင်းမြစ်များ

Luuka 11:36

Bumosi ka, tso nyutu a we yoosi yili hutso liyalala, hwavele inama imosi hutso a piipidi, yo yoosi sa yiba hutso liyalala. Nyutu a we, sa yiba we bu mwinda huyalusa we mu liyalala la nde.»

Yowani 1:4

Mukuma aba ni suhu la monyi. Monyi mowuuna aviidi liyalala huli baatu boosi.

Yowani 1:7

Nde ayidi we mbangi, mu uyata imbangi mu liyalala, mana baatu basa imiinu mu lo.

Yowani 12:46

Me anza mu tsi we liyalala. Pasi muutu wu usiila me imiinu, a hafwana ukwilala mu piipidi ve.

Yowani 14:6

Yisu afutili nde: «Me ni nzila, imbuli na monyi. Muutu tso mumosi a huya huli Taata hwavele uvyohele mu me ve.

Yowani 15:1

«Me, me ni muti a viinye wa mbuli na Taata a me ni musali a ngundu.

Yowani 6:32

Yisu aleeli bo: «Mu mbuli, mu mbuli me ndi mu undeele benu, a Moose aviidi benu mapa ma maamati hu yulu ve. Ka ni Taata a me ubaava benu mapa ma mbuli ma yulu.

Yowani 7:12

Na mutso makonge ma baatu, hwaba na wadi-wadi mu nduhi a nde. Bamosi baakaleele: «Nde muutu nga mavanga mamabwe.» Bakima ti: «Naana! Nde baatu ubaasoho.»

1 Yowani 1:8

Tso bisu lili mu uleele ti bisu a lili na masumu ve, bisu lili mu udunga bisu mwakulu. Buuna, imbuli a hili mu bisu ve.

1 Yowani 2:8

Ka hwa nde, nde mukele wu munyatihi me ndi mu utsonehele benu. Na imbuli hi Mukele hili mu umonehele mu Kristo na mu benu. Mu mbuli, piipidi yili mu uvyoho, na liyalala la mbuli laaka mu umwedeme.

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.