Yowani 1:41 - Musamu wu Mubwe

⁴¹ Nde ayamono tsomi mwana a ngu a nde Simoni na aleeli nde: «Bisu limiisoolo Masiya!» Masiya mbindulili ni «Kristo».

Yowani 1:41 ပူးပေါင်းရင်းမြစ်များ

Luuka 2:17

Bu baamoni imwa-mwana, bo baayabisi ma baleeli bo mu imwa-mwana mohinihi.

Luuka 2:38

Bo baayato bikuma mu ngunga yi Simeyoni hamani uyambila, nde kaka ayusi Nzambi na ayambili mu Yisu, huli boosi ba baakakeele liyobolo la Yeruselemi.

Yowani 1:45

Titswene Filipo abwani na Natanayeli, na aleeli: «Bisu limiisoolo muutu wu Moose hasonihi mu muhanda Mikele, wu mimbihuli myasiidi lahi mu nde. Ni Yisu, mwana a Yosefi, musi Nazareti.»

Yowani 4:25

Mukaasu ni uleele nde: «Me nzaabi ti Masiya wu bali mu uteele Kristo, mu uya ali. Ŋa nde huya, nde sa ayabisa bisu mambu moosi.»

Mavanga 10:38

Benu liyabi buni Nzambi hasooli Yisu musi Nazareti, na nde aluusi nde mu Livupu la Ngidi na mu matwala ma nde. Benu liyabi ka buni Yisu hakataangila, mu uvanga mamabwe na ubeloso boosi ba baaba baakangama hu tsina matwala ma mukuyi. Nde hasiidi buuna, bu Nzambi habeedi itwadi na nde.

Mavanga 4:27

Ni mbuli: Eloode na Ponse Pilaato baamipfutana mutso musyenge mowunuwu. Bo baamipfutana itwadi na baatu ba matsi ma bumwenyi, na bisu Isereli, mu ubelele musalili a we wa ngidi, Yisu. Nde wuuna wu we asoolo Masiya.

1 Yowani 1:3

Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.