Yowani 1:4 - Musamu wu Mubwe

⁴ Mukuma aba ni suhu la monyi. Monyi mowuuna aviidi liyalala huli baatu boosi.

Yowani 1:4 ပူးပေါင်းရင်းမြစ်များ

Luuka 2:32

Liyalala mu uyalusa matsi, na muyusu ibandu hya we, Isereli.»

Yowani 11:25

Yisu aleeli nde: «Me, me ni tsuuhili na monyi. Pasi muutu wu usiila me imiinu, sa aba monyi, tso nde kwidi.

Yowani 12:35

Yisu aleeli bo: «Liyalala likini mwana tangu hoole ŋa hati la benu. Hwadaani mu uyene, bu liyalala likini ŋa hati la benu, mana piipidi a yikimusa benu. Ka muutu wu ubaayene hutso a piipidi, a hubaayaaba huni nde ubaayene ve.

Yowani 12:46

Me anza mu tsi we liyalala. Pasi muutu wu usiila me imiinu, a hafwana ukwilala mu piipidi ve.

Yowani 14:6

Yisu afutili nde: «Me ni nzila, imbuli na monyi. Muutu tso mumosi a huya huli Taata hwavele uvyohele mu me ve.

Yowani 3:19

Mono buni tsundusu yuvangama: liyalala laayidi mu tsi, ka baatu baatondi hwa bo piipidi na baatiimbi liyalala, mu toni ati mavanga ma bo mali mamabi.

Yowani 5:21

We bu Taata ubaasuula babaakwa na ubaava bo monyi, ni bumosi kaka Mwana ubaava monyi huli muutu wu nde atondi.

Yowani 5:26

We bu Taata ali na monyi mu nde mwakulu, ni bumosi kaka nde hava Mwana muwsa mu ubaha monyi mu nde mwakulu.

Yowani 8:12

Yisu abweleele konge a baatu: «Me ni liyalala la tsi. Muutu wu uduukala me a hu udyata mu piipidi ve, ka nde sa abaha liyalala la monyi.»

Yowani 9:5

Bu me kini mu tsi, me ndi liyalala la baatu boosi.»

Mavanga 26:23

Kristo umono pasi, na nde uba muutu watsomi mu usuuha ŋa hati la babaakwa. Nde uyayabisa Musamu wu Mubwe, wu uli we liyalala li lu uyalusa nzila a bisu, ni we nzila yi mabuli makima moosi.»

1 Yowani 1:1

Bisu lili mu uyaabisa benu musamu wu ubaava monyi, wu li umata mbaandu a tsi. Bisu laayuhi nde. Bisu laamoni nde mu miisu ma bisu. Bisu laakengisi nde na myoho mya bisu myabembi nde.

1 Yowani 1:2

Na monyi mowuuna amonihili huli baatu. Bisu kaka laamoni nde, bisu lili mu utiila nde imbangi, na bisu laalongisi benu mu toni a muutu wu ubaava monyi wu bilima na bilima. Nde wu abeedi na Taata umata beleve, na bunuubu, nde amiimonehele huli bisu.

1 Yowani 5:11

Yuhaani imbangi mo ni hinihi: Nzambi aviidi bisu monyi wu bilima na bilima, na tso bisu lili na monyi mowuuna, ni mu likumbasa la Mwana a nde.