Yowani 1:18 - Musamu wu Mubwe

¹⁸ A hu li na muutu wu amiimono Nzambi ve. Ka ndulu Mwana wu livingu, wu li Nzambi na wu ubaatsahala ŋa tsoho a Taata, ni nde amwese bisu buni Nzambi ali.

Yowani 1:18 ပူးပေါင်းရင်းမြစ်များ

Luuka 10:22

Taata a me aviidi me byosi ŋa myoho mya me. A huli na muutu wu uyaba Mwana ni na, tso a ni Taata ve. Na muutu a hayaba Taata ni na, tso a ni Mwana ve, na huli nde wuna ka wu Mwana atondi usaangula lo.»

Yowani 1:14

Mukuma akituhi musunya na nde atsahili ŋa hati la bisu, wu aluula mu hyese na imbuli. Bisu laakengisi muyusu a nde, muyusu wu Mwana wu livingu ali mu uyaka huli Taata a nde.

Yowani 12:41

Maana ni mambu ma Esaya haleeli ŋa nde hamoni muyusu a Yisu, wu nde ali mu usangula.

Yowani 13:23

Mumosi mu bayihi, wu Yisu haba hatondo, aba atsahala ŋa pedu a Yisu.

Yowani 14:9

Yisu aleeli nde: «Me ndi na benu umata beleve. We a hayaaba me ve, Filipo? Woosi wu miimono me, miimono Taata. Buni we utwala uleele: “Mwese bisu Taata”?

Yowani 17:26

Me anzaabisa bo nduhi a we, na me tsa mbwenzaabisa bo yo, mana litondo li we atondo me liba mu bo, na me mba me mwakulu mu bo.»

Yowani 17:6

Me anzaabisi nduhi a we huli baatu ba we apalisi mu tsi, ba we aviidi me. We abahi bo, ka we ava me bo, na bo baasingili mikuma mya we.

Yowani 3:11

Mu mbuli, mu mbuli me ndi mu undeele we, bisu ubaaleele ma bisu layaaba, na bisu ubaata imbangi mu ma bisu laamono, ka benu a lili mu uyaka imbangi hya bisu ve.

Yowani 6:46

Buuna a hu li mu umwese ve ti, hu li na muutu wu amono Taata. Ka ndulu nde wuuna wu amata huli Nzambi, amono Taata.

1 Timoteho 1:17

Butsitu na muyusu biba, huli Pfumu matangu moosi! Nde wu uli Nzambi ndulu mosi, wu avelekwa, na wu bubaavelemono! Ameni!

1 Timoteho 6:16

ndulu ni nde wu uvelekwa. Nde ubaatsahala hutso liyalala, li pasi muutu huvelekunda, mu ubeleme na lo. Muutu tso mumosi kini a hamoni nde ve, tso utwala umono nde ve. Nyaha muyusu na matwala biba huli nde, mu bilima na bilima! Ameni!

1 Yowani 4:12

Muutu tso mumosi kini a hamoni Nzambi ve. Ni mu buuna, tso bisu libaatondosono, Nzambi ukwilala mu bisu, na litondo la nde laakuha mu bisu.

1 Yowani 4:20

Tso muutu li mu uleele: «Me atondo Nzambi» na li mu ubelele mwana a ngu a nde, nde li mupfuti. Mu toni ati, wu abelele mwana a ngu a nde wu nde ali mu umono, buni nde hu utwala utondo Nzambi wu nde havelemono?

1 Yowani 4:9

Mono buni Nzambi hamwese litondo la nde mu bisu: Nzambi atsindihi Mwana a nde ndulu mumosi ŋa tsi, mana bisu libaha monyi mu nde.

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.