Yowani 1:16 - Musamu wu Mubwe

¹⁶ Bisu boosi laayaki ikuuku hi busina bwa hyese hya nde. Nde ayitili bisu lisyeme li lilahi.

Yowani 1:16 ပူးပေါင်းရင်းမြစ်များ

Luuka 21:15

Memo tsapa benu mambu na buyedi mana muutu tso mumosi ŋa hati li bambeene ba benu avelesa paha na uleele ti benu na upfuta.

Yowani 3:34

Muutu wu Nzambi hatsindaha, ubaaleele mambu ma Nzambi. Mu toni ati, Nzambi ubaava nde Livupu mu iteesi hi hyafulala.

Looma 5:17

Mu mbuli, lipfu laamwesi matwala ma lo mu lisumu la muutu mumosi. Ka mu Yisu Kristo siha, bisu laamiiyaka bibilahi: boosi ba bali mu uyaka hyese hi hyafulala hya Nzambi, na bungodu bu butsiitsa bwa nde, buuba monyi na buuba batumi na Yisu Kristo.

Looma 5:2

Mu toni imiinu hya bisu mu nde, bisu lili na muswa mu ubaha hyese hi bisu luukwilala ba baavangama mu hyo. Na bisu lili na kinya, bu bisu lili na hiitu mu ukabasana muyusu a Nzambi.

Looma 5:20

Mikele myayidi mu umwese baatu masumu ma bo, na masumu maafulili bulahi. Ka huuna hu masumu maafulili, hyese hya Nzambi hyabwesinzafulala.

Looma 8:9

Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve.

1 Peetelo 1:11

Livupu la Kristo laaba mu bo, lo laayabisi bo manzuhu ma Kristo hu umono na muyusu wu uya humbisa a mo. Bo baasahi uyaba ki tangu na buni mo mu utwala uvangama.

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.