Yowani 1:12 - Musamu wu Mubwe

¹² Ka boosi ba baayaki nde, na huli boosi ba baasiidi imiinu mu nde, nde aviidi bo muswa mu uba baana ba Nzambi.

Yowani 1:12 ပူးပေါင်းရင်းမြစ်များ

Yowani 1:11

Nde ayidi huli baatu ba nde, ka baatu ba nde a baayaki nde ve.

Yowani 1:7

Nde ayidi we mbangi, mu uyata imbangi mu liyalala, mana baatu basa imiinu mu lo.

Yowani 11:52

Ka lipfu, a ndulu mu tsi Bayudaayo ve, ka napa mu upfuuta mu nyutu mosi, baana ba Nzambi boosi ba baamiitsamuha mu toto yoosi.

Yowani 2:23

Ŋa Yisu haba hu Yeruselemi, hu mukungi a Paake, baatu babalahi baasiidi imiinu mu nduhi a nde, mu toni a bu bo baamoni biliimbu bya kimuhili bi nde hakasa.

Yowani 20:31

Ka mambu ma baasonehe hutso libuuku, baasonehe mo mana benu lisa imiinu ti Yisu ni Kristo. Nde ni Mwana a Nzambi. Na bu benu luusa imiinu, benu luubaha monyi mu nduhi a nde.

Yowani 3:18

Woosi wu li mu usiila nde imiinu amiipala mu tsundusu. Ka woosi wu avelesiila nde imiinu, amiikoto mu tsundusu, mu toni ati nde a hasa imiinu mu nduhi a Mwana a Nzambi wu livingu ve.

Mavanga 3:16

Mu toni imiinu hi lili na hyo mu nduhi a Yisu, matwala ma nduhi a nde maabweva mifudi huli muutu mo wu benu limiimono, na wu benu liyabi. Ni imiinu hi nde ali na hyo mu Yisu, himiibeloso nde nzyeni ŋa busu bwa benu.

Looma 8:14

Ni mu buuna, baatu boosi ba Livupu la Nzambi libaasungaha, bali baana ba Nzambi.

Looma 8:16

Livupu la Ngidi libaata imbangi lo mwakulu huli livupu la bisu ti, bisu lili baana ba Nzambi.

Looma 8:19

Ka byosi bi Nzambi havanga, bili mu ukeele na lehemene, tangu yi Nzambi humwese muyusu a baana ba nde.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

2 Peetelo 1:4

Ni mu buuna, Nzambi amiisa bisu malahi ma bungodu bwa talu na bu bubwe. Nde hasiidi malahi momaana, mana benu limata mu manzala ma uvanga mambu mamabi ma utsala baatu ba tsi. Ŋa mbuha unyambana, Nzambi miikitusa benu bababwe, we nde mwakulu wuli wu mubwe.

1 Yowani 3:1

Monwaani ki pila litondo Nzambi hatondi bisu! Nde li mu uteele bisu baana ba nde. Mbuli, bisu ni baana ba nde. Tso baatu ba tsi a bayabi bisu ve, ni buuna kaka, bo a bayabi Nzambi ve.

1 Yowani 3:10

Pasi nde wu avelevanga butsitsa, buve wu aveletondo mwana a ngu a nde, a hali mwana a Nzambi ve. Liina ni li libaamwese lisobosono ŋa hati la baana ba Nzambi na baana ba Mukuyi.

1 Yowani 3:2

Baana ba ngu ba litondo, bunuubu bisu lika baana ba Nzambi. Ka, bisu a laayaaba buni bisu luuba mu bilumbu bya hu busu ve. Bisu liyabi linili: ŋa Kristo huyamonehele, bisu luufwanina na nde mu toni ati, bisu luumono nde we bu nde ali.

1 Yowani 3:23

Bunuubu, Mukele wu Nzambi ali mu uva bisu ni wunuwu: bisu libaasa imiinu mu nduhi a mwana a nde Yisu Kristo, na libaatondosono mu bumwana bu bungu, we bu Kristo hatumi bisu.