Yaki 5:19 - Musamu wu Mubwe

¹⁹ Baana ba ngu a me, tso muutu mumosi ŋa hati la benu tahuhi na imbuli, yabaani ti mukima utwala uyafutala nde.

Yaki 5:19 ပူးပေါင်းရင်းမြစ်များ

Luuka 22:32

Ka me atsambili mu we, mana hiitu hya we mu Nzambi, hiveletsuda. Na ŋa we uyafutaha huli me, hwadisa baana ba ngu a we.»

Ngalaatiya 6:1

Baana ba ngu, tso bayabiisa muutu bikuma mu uvanga lilibi, benu ba lili na livupu la Nzambi, sungahani nde mu bulembo. Na kebe we mwakulu kaka, mu uvelebwa mu lobese.

1 Timoteho 6:10

Ka nzuki a mbongo, ni nzila a bisiha byosi bibibi. Mwana a kabu la baatu mu nzuki a mbongo, baatahuhi na imiinu hya bo, na baakwamisi linyutu la bo mwakulu.

1 Timoteho 6:21

Bamosi baasiingi ndongisili yi mapfuta yiina, we yi yaaba ya mbuli. Na bo baadungi nzila imiinu. Nyaha hyese hya Nzambi hiba na benu!

2 Timoteho 2:18

Bo baamiitahuha na imbuli, na bo bali mu upfuta ba mukristo babalahi. Bo bali mu ubaalongese ti tsuuhili a baatu mu babaakwa, yamiikwavangama na a lafwana mu ubwekeele yo ve.

Yaki 1:16

A lipfuta benu mwakulu ve, baana ba ngu a me ba litondo.

Yaki 1:19

Yabaani lo, bambaahi ba me ba litondo. Pasi muutu atehe matswi, aba na limama mu utoyo, limama mu udasuha.

Yaki 3:14

Ka tso benu laaluula mu nyengi na mu livupu li mitsotso, nyahani umwese muyusu ti benu ni banga a dyele. A libiyasa imbuli mu upfuta hwa benu ve.

Yaki 5:20

Muutu wu ubaayafutala musumihi mowuuna mu nzila, ufuuhasa muvumu a nde mu lipfu, na ufungala limya li masumu.

2 Peetelo 3:17

Ka benu bambaahi ba litondo, bu me miinzibusa benu, baani likanda. Kebaani baatu ba bavelekinza Nzambi, ba baamiidunga nzila yimbwe, a balobese benu. Mana benu a lipatusa kwadili a benu mu Yisu Kristo.

Yude 1:11

Lingebe huli bo! Mu tonyi ati, bo baasumihi we musumihi Kayini. Bo baadungi mu tonyi a lingi la mbongo, we bu mumbihuli Balaami hasiidi. Bo baakwidi mu tonyi ati, bo baatumbihi we bu Kore hasiidi.