Yaki 5:17 - Musamu wu Mubwe

¹⁷ Eliya aba muutu we bisu a benu. Nde asambili na mukonono mana mvula avelenoho ŋa toto. Buuna, bilima bitatu na batsungi basamunu, mvula a hanohi ŋa toto ve.

Yaki 5:17 ပူးပေါင်းရင်းမြစ်များ

Luuka 4:25

Mu mbuli yoosi me ndi mu unzabisa benu: mu tsi a Isereli yoosi, hwaba na bakwili ba bakasu babalahi mu tangu mumbihuli Eliya. Mu bilima bitatu na batsungi basamunu hwaba lwanga, na limbunga laakoti mu tsi yoosi.

Mavanga 10:26

Ka Peetelo atelimisi nde na aleeli: «Teleme, me kaka muutu ndi we we.»

Mavanga 14:15

«Oh! Bambaahi, hima lili mu usa buuna? Bisu ka baatu lili we benu. Bisu Musamu wu Mubwe lili mu ubehele benu, na uvondo benu mu utimba banzambi babavele na tsoongo. Buuna benu likinguha huli Nzambi a monyi, wu avanga yulu, toto, mubu, na byosi bi bili muuna.

Looma 11:2

Nzambi a hanyasula baatu ba nde hamiitswamina uyaaba ve. Yibwalaani monyi mu ma baasonehe ma Ngidi, ma mali mu ngu musamu wu mumbihuli Eliya ali mu unyongele Isereli ŋa busu bwa Nzambi: