Yaki 5:16 - Musamu wu Mubwe

¹⁶ Baasiingani masumu ma benu ŋa busu bu bambaahi. Na baabitasanani bana mu masambulu, mana benu libeloho. Ŋa muutu wu akuha ubaasambila, lisambulu la nde, libaaba na mifudi.

Yaki 5:16 ပူးပေါင်းရင်းမြစ်များ

Luuka 9:6

Bilumbi byayeni, byo byakavyoho mutso a mala moosi, byakayabisa musamu wu mubwe na byakabeeloso babeedu.

Yowani 9:31

Bisu liyaabi ti Nzambi a hubaayuhala banga masumu ve. Ka nde ubaasiingala pasi muutu wu ubaakiinza nde na wu ubaasa litondo la nde.

Mavanga 10:38

Benu liyabi buni Nzambi hasooli Yisu musi Nazareti, na nde aluusi nde mu Livupu la Ngidi na mu matwala ma nde. Benu liyabi ka buni Yisu hakataangila, mu uvanga mamabwe na ubeloso boosi ba baaba baakangama hu tsina matwala ma mukuyi. Nde hasiidi buuna, bu Nzambi habeedi itwadi na nde.

Mavanga 19:18

Babalahi mu ba baasiidi hiitu mu Nzambi, baakayasiinga mamabi ma bo ŋa kuungi la baatu.

Mavanga 8:24

Simoni ni uleele huli Peetelo na Yowani: «Sambilaani Pfumu benu mwakulu mu toni a me, mana pasi dyambu livelebwila me mu moosi ma benu lileeli me.»

Looma 3:10

Ma baasonehe ma Ngidi mali mu uyaabisa bunuubu: «A huli na muutu wu akuha ve, tso mumosi ve,

Looma 5:19

We mu kene a muutu mumosi, baatu babalahi baasumihi. Ni bumosi kaka, mu lisiingala la muutu mumosi, baatu babalahi baaka bunyanga ŋa busu bwa Nzambi.

1 Tesalonika 5:17

baasambilaani tangu yoosi.

1 Tesalonika 5:23

Nyaha Nzambi wu li suhu la hyenze, akuhasa bungidi bwa nde boosi mu benu. Na nde akeelese benu we bu hwafwana: ilunzi hyosi, muvumu woosi na nyutu yoosi bya benu, biveleba na masyembo mu ilumbu hya nziili a Pfumu a bisu Yisu Kristo.

1 Tesalonika 5:25

Baana ba ngu, baasambilaani kaka mu toni a bisu.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»

1 Yowani 3:22

Bisu libaayaka byosi bi bisu libaavondo nde. Mu toni ati, bisu libaakeele Mikele mya nde na bisu libaavanga moosi ma nde ubaatondo.