Yaki 4:11 - Musamu wu Mubwe

¹¹ Baana ba ngu, a litatasana benu na benu ve. Woosi wu uli mu utata mwana a ngu a nde, buve utsundasa nde, li mu urokolo Mikele na utsundasa myo. Buuna, pasi nde wu utsundasa Mikele, nde a hali mu ubwesalila myo ve, ka nde amiibinuha mutsundisi.

Yaki 4:11 ပူးပေါင်းရင်းမြစ်များ

Luuka 6:37

A litsundasa ve, mana Nzambi a hatsundasa benu ka. A lisyembe ve, baasaani bana kolo-kolo, mana Nzambi asa benu ka kolo-kolo.

Looma 2:1

Ni mu buuna, pasi wu we li, we wu ubaatsundasa bana, we utwala uleele ve ti we ayaabi ve. Bu we ubaatsundasa bana, we li mu usyembe we mwakulu. Mu toni ati, we wu ubaatsundasa bana, we kaka ubaavanga mamabi we bo.

Looma 2:13

Ni mu buuna, a ba bali mu uyuha Mikele bali ba baakuha ŋa busu bwa Nzambi ve, ka ni ba bali mu usalila myo, buuba ba baakuha.

Looma 7:7

Buuna, hima luleelaani ti Mikele ni lisumu? Naana ubila ve! Ka Mikele ni mimyayabisi me lisumu ni hima. Mumbuli, me a hakiinzaaba linyungi ve, tso Mikele a myaleeli ve ti: «We a hanyungala ve.»

1 Timoteho 3:11

Bakadi ba bakeelisi ba libundu kaka ni bumosi, baafwana uba na likinzu, babaavele na makusa, babaakuta linyutu. Ka baba ba baasungama mu mambu moosi.

2 Timoteho 3:3

Baatu bu uba banga kamini-mutima, bu ubisa unongo na bambaahi, banga makusa, ba baavelekuta linyutu, banga a kasa, ba baabelele mamabwe.

Tiite 2:3

Leele ka bumosi huli bakaasu ba baakula, bo baba na ndyatili yi yi umwese Nzambi kinya. Bo babaavelekusa, na uveleba baviha ba nwyili malamu yinono. Bo babaalongese mamabwe,

Yaki 1:16

A lipfuta benu mwakulu ve, baana ba ngu a me ba litondo.

Yaki 1:19

Yabaani lo, bambaahi ba me ba litondo. Pasi muutu atehe matswi, aba na limama mu utoyo, limama mu udasuha.

Yaki 1:25

Ka muutu wu ubakengese mu mikele mya tsiki, mikele mi bunyanga, ubaakwilala mu myo. Nde a habaasuka ndulu mu uyuha ve, na a habaavusana myo ve, ka nde ubaasalila myo. Muutu wa pila yiina, umono kinya mu bisalili bya nde.

Yaki 2:8

Ubamono ti benu likuhisi mukele Ipfumu hya Nzambi, we bu baasonehe mu Muhanda a Ngidi: «We utondo muutu na we, we we mwakulu.» Tso benu lisiidi buuna, benu livangi bubwe.

Yaki 5:10

Baana ba ngu, mimbihuli mi myakatoyo mu nduhi a Pfumu, myakasa mukonono bu baakamono pasi. Volwani ifwani hya bo.

Yaki 5:7

Ni mu buuna, susaani pumi baana ba ngu, nate mu pfutihili a Pfumu. Tsimaani musali mangundu: nde li na isusi mu ubaakeele milunda mya toto mya talu, nate bu nde hu uyaka milunda mya tsomi na bikootele.

Yaki 5:9

Nyahani bikumini benu na benu baana ba ngu, kini Nzambi utsundasa benu. Mutsundisi amiikwateleme ŋa munywa a nzo.

1 Peetelo 2:1

Ni mu buuna, siisaani mambu moosi mamabi. Nyahani mapfuta, muwala, nyengi, na makusa mu bana.