Yaki 3:17 - Musamu wu Mubwe

¹⁷ Ka muutu nga a dyele li libaamata hu yulu, ateehele na mutima wu atsyeme. Titswene, nde atondo isuusi, kulimini na nzuhili. Muutu mowuuna na kwili lingebe, na upalisa mbutu yimbwe. Nde a hubaasa burandu ve, na nde a hali kaka na muwala ve.

Yaki 3:17 ပူးပေါင်းရင်းမြစ်များ

Luuka 21:15

Memo tsapa benu mambu na buyedi mana muutu tso mumosi ŋa hati li bambeene ba benu avelesa paha na uleele ti benu na upfuta.

Luuka 6:36

«Kwilaani lingebe we bu Taata a benu haluula mu kwili lingebe.

Yowani 1:14

Mukuma akituhi musunya na nde atsahili ŋa hati la bisu, wu aluula mu hyese na imbuli. Bisu laakengisi muyusu a nde, muyusu wu Mwana wu livingu ali mu uyaka huli Taata a nde.

Yowani 1:47

Bu Yisu hamoni Natanayeli mu uyiila nde, nde aleeli nde: «Me lolo moni musi Isereli wa mbuli a mbuli. Bahala molinili kaka utwala upfuta!»

Mavanga 11:24

Baranabasi abeedi muutu wu mubwe, wu aluula mu Livupu la Ngidi na mu imiinu mu Nzambi. Baatu babalahi baabiisili Pfumu.

Mavanga 9:36

Hwaba hu musyenge a Yafa, mukaasu nga hiitu mu Yisu, nga nduhi a Tabita, mbindulili a yo mu ndaha yi Bangeleke «Dolokasi» buve «tsyesi». Nde aba tangu yoosi ubaavanga mamabwe na ubaava likumbasa huli biyaha.

Looma 12:18

Tso benu litwali ukuhasa buuna, mu iteesi hi hyahwama na benu, baani mu hyenze na baatu boosi.

Looma 12:9

Nyaha litondo liba li laavele muwala. Belelaani bubi, kangamaani mu mamabwe.

Looma 15:14

Baana ba ngu, me ndodi lo, mitima mya benu myaluula mu matsimi mamabwe, na mu nzabiili yi yaayelemene. Na benu laaka mu iteesi hi uvasasana mandongi.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

Filiipo 4:8

Baana ba ngu, mu umana, nyaha matsimi ma benu mabaakwilala tangu yoosi mu biina byosi bi bili bya mbuli, bi byahwama, bi byasungama, bi byatsyeme, bi bubaatondo, bi bubaasingasala, bi bibwe na bi byahwama mu muyusu.

1 Tesalonika 2:7

Bisu beedi na muswa mu unangimana benu, bu bisu lili bilumbi bya Kristo. Ka bisu laamwese bulembo bwa bisu ŋa hati la benu, we ngu wu li mu ukeelese bibabana bi nde ubaabungala.

1 Timoteho 5:21

Ŋa busu bwa Nzambi, ŋa busu bwa Yisu Kristo na ŋa busu bu bapofi ba Nzambi hasoolo, me ndabi ŋa busu bwa we mu usalila mambu momaana, hwavele burandu, tso uvelevolele bakima mileembe.

2 Timoteho 2:24

A hwafwana huli musalili a Pfumu mu uba na mikaakunu ve. Ka nde afwana uba nga isusi ŋa busu bwa baatu boosi. Muutu wu utwala ulongese, na ukunda mamabi moosi ma baatu bu uleele mu nde.

Tiite 1:15

Byosi bili bi byatsyeme, huli ba bali batsyeme. Ka isiha tso imosi a hili hi hyatsyeme, huli ba baasumaha na ba baavelesa hiitu ve. Mu tonyi ati, buyedi bwa ba baasumaha na matsimi ma mitima mya bo, bili bi byasumaha.

Tiite 3:2

Bo muutu utuha ve, mitsotso ve. Ka bo bafwana uba baatu ba hyenze na bababwe, banga bulembo ŋa busu bwa baatu boosi.

Yaki 1:17

Bungodu bu bungeele bwosi, na bu bwakuha, bubaamata hu yulu huli Nzambi, muvangi mayalala ma yulu. Na huli nde, tsobili yo ve, nde a habaasobo ve, we bu inzinza hibaatanyuha na ukukama.

Yaki 1:5

Ni mu buuna, tso muutu mumosi mu benu veli na dyele, nde avondo lo huli Nzambi, wu uva nde lo. Mu tonyi ati, Nzambi ubaava huli baatu boosi mu mutima wu mubwe, hwavele masyembo.

Yaki 2:13

Mu tonyi ati, tsundusu yili yi yavele na lingebe, huli ba bubaavelemwese lingebe. Fula-fula lingebe libaabingala tsundusu.

Yaki 2:4

Ni buuna kaka, benu lili mu usa burandu ŋa hati la benu mwakulu. Benu lili banzonzi banga matsimi mamabi.

Yaki 3:15

Dyele moliina, a lili li libaamata hu yulu ve. Ka lo lili la ŋa toto ŋa, lo lili li imuutu na li mavupu mamabi.

Yaki 4:8

Yasusahani huli Nzambi, na nde uyasusaha huli benu. Swahani myoho mya benu, benu baatu banga masumu. Tsyemesaani mitima mya benu, benu banga a moole-moole.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 2:1

Ni mu buuna, siisaani mambu moosi mamabi. Nyahani mapfuta, muwala, nyengi, na makusa mu bana.

1 Peetelo 2:18

Benu basalili, baani na lisiingala na butsitu bwosi ŋa busu bu bapfumu ba benu. A lisiingala ndulu bapfumu ba bali ba babwe na bulembo ve, ka baasiingalaani napa ba bali na mutima wu munono.

1 Yowani 3:18

Baana ba me, a libaani na litondo ndulu li bibodu na bileedi bibibwe ve. Ka mwesaani litondo la mbuli li libaamonehele mu mavanga.

1 Yowani 3:3

Woosi wu li mu usa hiitu mu nde, li mu ukituha wu atsyeme we bu Kristo nde mwakulu ali wu atsyeme.