Yaki 2:5 - Musamu wu Mubwe

⁵ Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

Yaki 2:5 ပူးပေါင်းရင်းမြစ်များ

Luuka 12:21

Yisu abwesi: «Ni buuna ka huli muutu wu ubatsonzehe busina mu nde mo, na wu aveletsonzehe biloho bi byayelemene ŋa busu bwa Nzambi.»

Luuka 12:32

A ba na boomo ve, we mwana a konge biboodi! Mu toni ati Taata a benu mimono bubwe mu uva benu Ipfumu hya nde.

Luuka 16:22

Iyaha hyakwidi, na bapofi baabiti nde ŋa mbahala a Abrahami. Isina ka hyakwidi, na baadiihi nde.

Luuka 16:25

Ka Abrahami afutili: “Mwana a me, yibwala monyi ti we abeedi mu maakinya mu idiingu hya we, ka Laazaro amoni mapasi mamalahi. Bunuubu, nde ka hutso a mbombisili a nde, we bu we ka mu umono pasi.

Luuka 22:29

Ni mu buuna, we bu Taata a me hava me lituma, me kaka ndi mu upa benu lituma,

Luuka 6:20

Yisu atali bayihi ba nde, na aleeli: «Kinya huli benu biyaha, ipfumu hi mayulu hili hya benu!

Yowani 7:48

Hu li na mumosi mu bakuutu, buve mumosi mu Bafarisi, wu siili nde imiinu?

Mavanga 7:2

Etyene afutili: «Bataata na baana ba ngu ba me, yuhaani! Nzambi yi muyusu ayamonehele huli kaaha a bisu a benu Abrahami, ŋa nde haba hu itanzi hya Mezopotami. Nde ayamonehele na nde, tswamina nde mu uyatsahala hu musyenge a Harani.

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

2 Tesalonika 1:5

Ŋaniŋa huli mu umwese huli baatu boosi iliimbu hya ti, tsuundusu a Nzambi yili yi butsitsa. Mapasi ma benu lili mu ukunda, mali mu uva benu muswa mu umonehele ba bakuha mu ukoto mu Ipfumu hya Nzambi. Ipfumu hi benu lili mu umono mapasi mu hyo.

1 Timoteho 6:18

Tuma bo babaavanga mamabwe, bo baba bisina mu mavanga mamabwe, mu umonehele banga a lehemene li ukabila bana.

2 Timoteho 4:18

Pfumu ubiingasa me mu mavanga moosi mamabi. Nde uyobolo me na ukotese me mu Ipfumu hya nde hi mayulu. Muyusu aba huli nde mu bilima na bilima! Ameni!

2 Timoteho 4:8

Bunuubu, bamiiswehele me mutata a butsitsa, humbisa a mbingili a me. Pfumu, nzonzi wa tsitsa, wu utsundasa bu hwafwana, uva me mutata mo ilumbu mohiina. Nde uva mutata, ndulu a huli me ve, ka napa huli boosi ba bali na lehemene li ukeele monihili a nde.

Yaki 1:12

Kinya huli muutu wu ubaakunda lobese. Humbisa ubingala lo, nde ubaha mutata a monyi, wu Nzambi hasiidi lahi huli ba baatondo nde.

Yaki 1:16

A lipfuta benu mwakulu ve, baana ba ngu a me ba litondo.

Yaki 1:19

Yabaani lo, bambaahi ba me ba litondo. Pasi muutu atehe matswi, aba na limama mu utoyo, limama mu udasuha.

Yaki 1:9

Mwana a ngu wu li iyaha abaamono kinya mu tonyi ati, Nzambi li mu usyenolo nde.

1 Peetelo 1:4

Tso bisu lili na hiitu mohiina, bisu sa liyaka mukobe wu Nzambi hamiiswehele baatu ba nde. Mukobe mowuuna wu buuveleduba, wu buuvelesa mbindu, ka nde afwana ukeelese umwedeme hwa nde. Nzambi amiiswehele benu nde hu mayulu.

2 Peetelo 1:11

Ka ni buuna Nzambi husiingasa benu kotili mu Ipfumu hi bilima na bilima, hya Pfumu na Muyobili a bisu Yisu Kristo.