Yaki 2:21 - Musamu wu Mubwe

²¹ Nzambi asilisi Abrahami kaaha a bisu a benu. Nde amoni nde muutu wu akuha mu tonyi mavanga mamabwe, bu nde hayayeholo mwana a nde Isaki mu bungodu ŋa yulu a diiku la tsuhili bungodu.

Yaki 2:21 ပူးပေါင်းရင်းမြစ်များ

Luuka 1:73

Ni mulabu wu nde halabi huli Abrahami, kaaha a bisu.

Luuka 16:24

Isina afulihi: “Taata Abrahami, kwila me lingebe. Na tsindaha Laazaro ayabootehe tsoso mulembo a nde mutso a mamba. Tsindaha nde avolemese me limi, mu toni ati me mu pasi ndi hutso a mbaahu mo yiniyi.”

Luuka 16:30

Isina ni uleele: “Buuna a bwa kuha ve, taata Abrahami. Ka tso muutu mati hu tsi a babaakwa na yeni huli bo, bo sa basobo mbiili na uyafutaha huli Nzambi.”

Yowani 8:39

Bo baafutili: «Taata a bisu Abrahami.» Yisu ni uleele bo: «Tso benu lili baana ba Abrahami, benu likiisa mavanga ma nde.

Yowani 8:53

We alutaala taata a bisu Abrahami wu akwidi? Mimbihuli kaka myakwidi. Ka we na li? We hima tondi umwese?»

Mavanga 7:2

Etyene afutili: «Bataata na baana ba ngu ba me, yuhaani! Nzambi yi muyusu ayamonehele huli kaaha a bisu a benu Abrahami, ŋa nde haba hu itanzi hya Mezopotami. Nde ayamonehele na nde, tswamina nde mu uyatsahala hu musyenge a Harani.

Looma 3:20

Ka muutu tso mumosi utwala uba wu akuha ŋa busu bwa Nzambi ve, bu nde huvanga moosi ma Mikele mili mu utuma. Mu toni ati, nzaabili masumu ubaaya mu nzila mavanga ma Mikele.

Looma 4:1

Buuna, hima bisu luuleele mu Abrahami kaaha a bisu mu musunya? Hima nde habahi?

Looma 4:12

Nde li kaka taata a ba baakete, ka a ba bubaabingalala ndulu ketili ve, ka ba bubaaduukala ifwani hi imiinu hya taata a bisu Abrahami, bu haba kini a baaketi ve.

Looma 4:16

Ni mu buuna, basiidi lahi mu nzila yi imiinu, mana hyo hiba hyese hi Nzambi ubaava, na basilasa hyo huli imbisa hya Abrahami hyosi. Lahi a lili mu utala ndulu ba bubaasiingala Mikele ve, ka napa boosi ba bubaasa imiinu we bu Abrahami hasiidi imiinu. Abrahami ni taata a bisu boosi,

Yaki 2:18

Ka muutu aleele: «We li na imiinu; me ndi na mavanga.» Mwese me imiinu hya we, hwavele mavanga. Na me, mu mavanga ma me, me umwese we imiinu.

Yaki 2:24

Benu lili mu umono ti, ni mu mavanga muutu ubaamonehele wu akuha, ka ndulu a mu imiinu ve.