Yaki 2:18 - Musamu wu Mubwe

¹⁸ Ka muutu aleele: «We li na imiinu; me ndi na mavanga.» Mwese me imiinu hya we, hwavele mavanga. Na me, mu mavanga ma me, me umwese we imiinu.

Yaki 2:18 ပူးပေါင်းရင်းမြစ်များ

Looma 14:23

Ka wu li na matsika mu byudya, Nzambi amiisyembe nde. Mu toni ati, mbiili a nde a yaayelemene na imiinu hya nde ve. Na liyaabi ti, mambu moosi ma muutu ubaavanga, maveleyelemene na imiinu hya nde, mali masumu.

Looma 3:28

Mu mbuli, Nzambi ubaakuhasa muutu mu toni imiinu hya nde, ka a mu mavanga ma Mikele ve.

Looma 4:6

Ni bumosi kaka, Davidi li mu uyaabisa kinya yi yili na muutu wu Nzambi ubaasiinga ti nde wu akuha ali, hwavele utala mavanga ma nde:

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 9:19

Peleve we sa fuula me: «Ka muhima Nzambi ubaafwengele bisu? Na utwala ubisa mambu ma Nzambi ubaatondo?»

Ngalaatiya 5:6

Ka, mu Kristo Yisu hya tsoongo, ni imiinu hi hili mu umwese mavanga mu mukele litondo, ka a mu uba wu baakete, buve wu baavelekete ve.

1 Timoteho 1:5

Tsongo a nzibusili moyiina, ni mu upalisa litondo. Litondo li libaamata hutso mutima wu atsyeme, na matsimi mamabwe, na imiinu hi hyavele na muwala.

Tiite 2:7

We mwakulu Tiite, afwana umwese mbiili yimbwe, mana baatu badukala ifwani hya we. Ndongisili a we, yafwana uba ya mbuli na yi likinzu.

Yaki 2:14

Baana ba ngu a me, ki kaluha yili huli muutu mu ubaaleele ti: «Me ndi na imiinu», tso nde a hali mu umwese mavanga mamabwe ve? Imiinu hya buuna, utwala ufuuhasa nde ve.

Yaki 3:13

Tso ŋa hati la benu na muutu nga dyele na buyedi, nde amwese bwo mu ndyatili a nde yimbwe. Nde amwese bwo kaka, mu mavanga ma kulimini na mu bulembo bwa nde.