Yaki 2:14 - Musamu wu Mubwe

¹⁴ Baana ba ngu a me, ki kaluha yili huli muutu mu ubaaleele ti: «Me ndi na imiinu», tso nde a hali mu umwese mavanga mamabwe ve? Imiinu hya buuna, utwala ufuuhasa nde ve.

Yaki 2:14 ပူးပေါင်းရင်းမြစ်များ

Luuka 3:11

Nde afutili bo: «Nyaha muutu wu uli na biyunga byole, akaba imosi huli wu avele na hyo. Na wu uli na byudya, akabila bana.»

Luuka 6:49

Ka muutu wu ubaayuha mambu ma me, hwavele usalila mo, nde afwanina na muutu wu atunga nzo hwavele utelemese yo ŋa yulu a manya. Mu ilumbu hi nzali haluuli, nyamba bu yabwidi mu nzo, mu mawasa, yo yabwidi, na “yatsamuhi tsaa”.»

Mavanga 15:9

Nde a hasa lisobosono ŋa hati la bo na bisu ve. Bu bo baasiidi hiitu mu Nzambi, nde atsyemisi ka mitima mya bo.

Mavanga 8:13

Simoni nde mwakulu asiidi hiitu, na ayaki tondihili, nde a habwetahuha na Filipo ve. Na nde akakimuha mu bimangu na bipadi bibinene bi byakavangama.

Mavanga 8:21

We a hali na kabu tso muswa mutso musamu mowunuwu ve. Mu toni ati, mutima a we a hali wu asungama ŋa miisu ma Nzambi ve.

Looma 2:25

Mu mbuli, ketili yili na tsongo mu we, tso we li mu usalila Mikele. Ka tso we li mu utsoopolo Mikele, hu li mu umwese ti we kini a baakete ve.

Ngalaatiya 5:13

Baana ba ngu, benu lili ba baateele mu uba bunyanga. Ka ndulu, benu a lisalila bunyanga mobuuna, mu ukuhasa mapeyu ma musunya ve. Ka nyahani mukele litondo atuma benu, mana benu li baasalasana.

Ngalaatiya 5:6

Ka, mu Kristo Yisu hya tsoongo, ni imiinu hi hili mu umwese mavanga mu mukele litondo, ka a mu uba wu baakete, buve wu baavelekete ve.

1 Tesalonika 1:3

Bisu lili mu uyibwala monyi pasi tangu ŋa busu bwa Nzambi Taata a bisu, mu toni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.

1 Timoteho 1:5

Tsongo a nzibusili moyiina, ni mu upalisa litondo. Litondo li libaamata hutso mutima wu atsyeme, na matsimi mamabwe, na imiinu hi hyavele na muwala.

1 Timoteho 4:8

Bingana bya nyutu na tsongo mu mambu ma hole. Ka ukangama mu Nzambi, hu uli na tsongo mu moosi. Mu toni ati, huli wu akangama mu Nzambi, baamiivangila nde idiingu hya loloyi, na baamiilaha nde monyi wu bilumbu bya hu mbisa lipfu.

Tiite 1:16

Bo bali mu uleele ti bo baayaba Nzambi. Ka mavanga ma bo, mali mu umwese ti bo bubaatunala nde. Bo bali banga muwala, ba baavele na lisingala, na ba baavelesa isalu tso imosi hi ibwe.

Tiite 3:8

Mo mali mambu ma mbuli. Na me tondi ti we kwilala mu usilasa misamu mominimi, mana ba buusa hiitu mu Nzambi, bahwada mu ubaavanga mamabwe. Mono ma mali mamabwe, na ma tsongo huli baatu.

Yaki 1:16

A lipfuta benu mwakulu ve, baana ba ngu a me ba litondo.

Yaki 2:16

Mumosi mu benu leeli nde: «Yene mu hyenze, lwata ikutu hya piyu, na dya bubwe!» Tso nde leeli buuna, hwavele uva nde bi nde ali na byo nzala mu linyutu, tsoongo a mambu momaana ki yo?

Yaki 2:18

Ka muutu aleele: «We li na imiinu; me ndi na mavanga.» Mwese me imiinu hya we, hwavele mavanga. Na me, mu mavanga ma me, me umwese we imiinu.

Yaki 2:26

Ni we bu nyutu yi yavele na ilunzi, yili yi yakwa, bumosi kaka, imiinu hi hyavele na mavanga mamabwe, hili hi hyakwa.

2 Peetelo 1:5

Ni mu buuna, benu lafwana uva mifudi mya benu myosi, mu ubwese ŋa yulu imiinu hya benu, mbiili yimbwe; na ŋa yulu a mbiili yimbwe, nzabili a Nzambi;