Yaki 1:5 - Musamu wu Mubwe

⁵ Ni mu buuna, tso muutu mumosi mu benu veli na dyele, nde avondo lo huli Nzambi, wu uva nde lo. Mu tonyi ati, Nzambi ubaava huli baatu boosi mu mutima wu mubwe, hwavele masyembo.

Yaki 1:5 ပူးပေါင်းရင်းမြစ်များ

Yowani 14:13

Na byosi bi benu luuvondo mu nduhi a me, me tsa paanga byo, mana muyusu Taata amonehele mu Mwana.

Yowani 15:7

Tso benu likwilili mu me, na mambu ma me makwilili mu benu, vondwaani pasi hi benu litondi, benu sa libaha hyo.

Yowani 4:10

Yisu ni ufutala nde: «Kini we ayaaba bungodu bwa Nzambi, na tso we kiyaaba na li mu uleele we: “Va me mamba ma unywa”, kini we ni wu kiivondo mamba ma unywa, na nde kiiva we mamba ma monyi.»

Yaki 1:17

Bungodu bu bungeele bwosi, na bu bwakuha, bubaamata hu yulu huli Nzambi, muvangi mayalala ma yulu. Na huli nde, tsobili yo ve, nde a habaasobo ve, we bu inzinza hibaatanyuha na ukukama.

Yaki 3:17

Ka muutu nga a dyele li libaamata hu yulu, ateehele na mutima wu atsyeme. Titswene, nde atondo isuusi, kulimini na nzuhili. Muutu mowuuna na kwili lingebe, na upalisa mbutu yimbwe. Nde a hubaasa burandu ve, na nde a hali kaka na muwala ve.

Yaki 5:16

Baasiingani masumu ma benu ŋa busu bu bambaahi. Na baabitasanani bana mu masambulu, mana benu libeloho. Ŋa muutu wu akuha ubaasambila, lisambulu la nde, libaaba na mifudi.

1 Yowani 3:22

Bisu libaayaka byosi bi bisu libaavondo nde. Mu toni ati, bisu libaakeele Mikele mya nde na bisu libaavanga moosi ma nde ubaatondo.