Yaki 1:25 - Musamu wu Mubwe

²⁵ Ka muutu wu ubakengese mu mikele mya tsiki, mikele mi bunyanga, ubaakwilala mu myo. Nde a habaasuka ndulu mu uyuha ve, na a habaavusana myo ve, ka nde ubaasalila myo. Muutu wa pila yiina, umono kinya mu bisalili bya nde.

Yaki 1:25 ပူးပေါင်းရင်းမြစ်များ

Luuka 11:28

Ka Yisu afutili: «Kinya homo yili na ba bali mu uyuha mambu ma Nzambi na ba bubaasalila mo.»

Yowani 13:17

Bunuubu, benu limiiyaaba lo, benu sa liba mu kinya tso benu lisalili lo.»

Yowani 8:36

Ka tso Mwana viidi benu bunyanga, benu sa liba bunyanga bwa mbuli a mbuli.

Mavanga 13:43

Bu imoho hyafwidi, Bayudaayo babalahi na baatu bakima ba baasiingi uyusa Nzambi, baaduukili Pahuli na Baranabasi. Bo baakahwadisa bo mu ukangama mu Nzambi, wu ubanyahula masumu ma baatu.

Mavanga 2:42

Bo baakahwada mu ubaayuha tangu yoosi ndongisili bilumbi, mu ubaatsahala mu itwadi na bana, mu ubaadya na ubaasambila mu itwadi.

Mavanga 26:22

Ka Nzambi li mu ukeelese me nate loloyi. Na me ndi ŋa mu uta imbangi hya me huli baatu boosi, huba bangebe tso bakuutu. Me ndi mu undoongese pila mosi ma mimbihuli mya tangu yikulu na Moose, baayabisi, mi myafwana uvangama mu Kristo.

Looma 11:22

Ni mu buuna, tsikaha bubwe bwa Nzambi na bunono bwa nde: nde li mu umwese bunono bwa nde huli ba baamiibwa, na bubwe bwa nde mu we, tso we kwilili mu bubwe mobuuna. Tso a buuna ve, sa bakese we kaka we bitabi bikima.

Looma 2:13

Ni mu buuna, a ba bali mu uyuha Mikele bali ba baakuha ŋa busu bwa Nzambi ve, ka ni ba bali mu usalila myo, buuba ba baakuha.

Looma 7:12

Ni mu buuna, Mikele myomo mili mya ngidi, na tumili yili ya ngidi, ya tsiitsa na yi mbwe.

Looma 8:15

Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!»

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Ngalaatiya 2:4

Bwavangimi buuna, mu toni a banga muwala ŋa hati la baana ba ngu, ba baayasohono na bisu na ubaakete bisu. Bo baakakete bisu, mu bunyanga bu laaba na bwo mu Yisu Kristo. Tsimi a bo, aba yi ufutala bisu hutso buviha.

Ngalaatiya 5:1

Kristo ava bisu bunyanga mana bisu liba bunyanga mu mbuli. Ni mu buuna, hwadaani mu ubwevelefutaha hutso a ikoholo hi buviha.

Ngalaatiya 6:2

Baabitasanani mipfuna: buna benu sa likuhasa mukele a Kristo.

1 Timoteho 2:15

Ka mukaasu hu uyoboho, ŋa nde hu ubuta baana, tso nde kwilili mu imiinu, mu litondo na mu piili linyutu, na mu umwese mbiili yi yibaava muyusu huli Nzambi.

1 Timoteho 4:16

Kelese bubwe-bubwe nyutu a we mwakulu, na ndongisili a we, mana we kwilala mu maana moosi. We uvanga buuna, Nzambi uyobolo we na boosi ba bubaayuhala we.

Yaki 2:12

Ka toywani na dyataani we baatu ba bu uyaka tsundusu, hutsina mikele mi bunyanga.

1 Peetelo 2:16

Badyataani we baatu ba bamiipala mu buviha. Ka bu benu laamiipala mu buviha, a litsima ti benu utwala uswehe mavanga ma benu mamabi ve. Ka baani baviha ba Nzambi.

1 Yowani 2:24

Ka uto ti benu, keelesaani bubwe-bubwe mambu ma benu laayuhi umata hu mbandu. Tso benu likeelisi mambu ma benu laayuhi umata hu mbandu, benu kaka sa likwilala ukangama mu Mwana na mu Taata.