Yaki 1:21 - Musamu wu Mubwe

²¹ Ni mu buuna, timbaani mbindu yoosi na mavanga moosi mamabi. Yakaani hutso a kulimini, mambu ma Nzambi ma baakuni mu benu, ma mu utwala ufuuhasa benu.

Yaki 1:21 ပူးပေါင်းရင်းမြစ်များ

Yowani 6:63

Ni Livupu la Nzambi libaava monyi. Musunya a hali na tsongo ve. Mambu ma me ndeeli benu mali mu umata mu Livupu, na mali ma uva monyi huli baatu.

Yowani 6:68

Simoni Peetelo ni ufutala nde: «Pfumu, bisu ka huli na luuyene? We ni nga mambu ma mubaava monyi wu bilima na bilima.

Mavanga 10:33

Ni mu buuna, me atsindaha baatu mu mawasa huli we, na we vangi bubwe bu we siingi uya. Bunuubu, bisu boosi baba ŋa busu bwa Nzambi, mu uyuha moosi ma Pfumu hatuma we mu uyabisa bisu.»

Mavanga 13:26

«Baana ba ngu a me, benu ba imbisa hya Abrahami, na ba bubaakiinza Nzambi. Ni huli bisu a benu boosi, Nzambi hatsindaha musamu liyobolo wunuwu.

Looma 1:16

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 11:17

Isereli hili we muti a olive wu Nzambi amiikese bitabi bikima. Ŋa mbuha a byo, baamiikatisa we, we wu avele Muyudaayo. Baamiikatisa we, we itabi hi muti a olive wa piinda. Bunuubu, we ka mu ubahila mu malimbu ma mali mu ukuma mu linganzi li muti a olive.

Looma 6:17

Ka lifutalaani matondo huli Nzambi! Benu ba laabeedi hu tsikulu baviha ba masumu, bunuubu benu limiisiingala mu mutima woosi Mikele mya ndongisili yi benu laayaki.

1 Tesalonika 1:5

mu toni ati ndongisili a bisu yi Musamu wu Mubwe huli benu ndulu a mu mikuma ve. Ka ndongisili a bisu yaaba yi matwala, mu itwadi hi Livupu la Ngidi, na hiitu hyosi. Benu layaaba buni mbiili a bisu yaaba ŋa hati la benu, mu libwe la benu.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

Tiite 2:11

Eye, Nzambi amwesi mamabwe ma nde, mu tonyi ati nde asooli nzila yi uyobolo baatu boosi.

Yaki 4:8

Yasusahani huli Nzambi, na nde uyasusaha huli benu. Swahani myoho mya benu, benu baatu banga masumu. Tsyemesaani mitima mya benu, benu banga a moole-moole.

Yaki 5:20

Muutu wu ubaayafutala musumihi mowuuna mu nzila, ufuuhasa muvumu a nde mu lipfu, na ufungala limya li masumu.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 1:9

Benu lili mu kinya moyiina, mu toni ati, mivumu mya benu sa miyoboho. Wuuna ni musyendo wu imiinu hya benu, mu Yisu Kristo.

1 Peetelo 2:1

Ni mu buuna, siisaani mambu moosi mamabi. Nyahani mapfuta, muwala, nyengi, na makusa mu bana.

1 Peetelo 2:11

Bambaahi ba me ba litondo, benu lili bapyohi-nzila na byenyi ŋa toto moyiniyi. Ni mu buuna, me ndi mu upondo benu dyambu limosi: siisaani mapeyu ma musunya. Mapeyu momaana mubaalwanisa idiingu hya benu.