Yaki 1:12 - Musamu wu Mubwe

¹² Kinya huli muutu wu ubaakunda lobese. Humbisa ubingala lo, nde ubaha mutata a monyi, wu Nzambi hasiidi lahi huli ba baatondo nde.

Yaki 1:12 ပူးပေါင်းရင်းမြစ်များ

Luuka 6:22

Kinya homo huli benu tso baatu bali mu ubele benu, bali mu unyasula benu, bali mu utuha benu na ubaakusa benu, mu toni a Mwana a muutu.

Looma 5:4

mukonono ubaabuta kwadisili mutso malobese, na kwadisili yibaabuta hiitu.

Looma 8:28

Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde.

2 Timoteho 2:15

Hwada mu uba wu asungama ŋa busu bwa Nzambi. Ba we musalili wu uli mu usa isalu hya nde na lisunga, hwavele a tsonyi. Tosele mambu ma mbuli huli baatu, we bu hwafwana.

2 Timoteho 4:8

Bunuubu, bamiiswehele me mutata a butsitsa, humbisa a mbingili a me. Pfumu, nzonzi wa tsitsa, wu utsundasa bu hwafwana, uva me mutata mo ilumbu mohiina. Nde uva mutata, ndulu a huli me ve, ka napa huli boosi ba bali na lehemene li ukeele monihili a nde.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

Yaki 5:11

Eye! Bisu libaaleele, kinya huli ba baamiisa mukonono. Benu laayuhi buni Yobi hakuundi pasi. Na benu laamoni tsukusu yi Pfumu hasiili nde. Ka Pfumu aluula mu litondo, na lingebe.

1 Peetelo 3:14

Tso benu lili mu umono pasi mu toni a mamabwe ma benu lili mu uvanga, baani mu kinya! Mu toni ati, baasonehe: «A liba na boomo bwa baatu ba bu utwala uvangila benu libi ve, na a liheleene mitima ve.»

1 Peetelo 4:13

Ka baabaani na kinya bu lili mu umono mapasi ma Kristo hamoni, mana benu ka liluula mu kinya yindahi ŋa nde hu umonehele mu muyusu a nde huli baatu boosi.

1 Peetelo 4:14

Ni kinya huli benu tso baatu bali mu utuha benu bu lili bayihi ba Kristo. Mu toni ati, Livupu la Nzambi li muyusu, lili na benu.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

1 Peetelo 5:4

Na ŋa Mukuutu babungili hu uyamonehele, benu lu uyaka mutata a muyusu, wu uvelebiya.

1 Yowani 4:19

Ka uto ti bisu, bisu libaatondo Nzambi, mu toni ati nde atswamini utondo bisu.