Yaki 1:1 - Musamu wu Mubwe

¹ Me Yaki, musalili a Nzambi na wa Pfumu Yisu Kristo, ndi mu upa bwehe huli bibandu kumi na byole, bi byatsamuha mu matsi moosi.

Yaki 1:1 ပူးပေါင်းရင်းမြစ်များ

Luuka 22:30

Ni mu buuna benu lu udya na unywa na me, hutso Ipfumu hya me. Na benu sa litsahala ŋa makiti ma bupfumu, mu utsundasa bibandu kuumi na byole bya Isereli.»

Luuka 6:15

Mataayi, Toma, Yaki mwana a Alafe, Simoni nga kumbu mu Zelote,

Yowani 12:26

Tso muutu tondi usalila me, nyaha nde aduukala me. Ni mubuuna, ŋa me ndi, musalili a me sa aba na me, na Taata a me sa ayusa nde.»

Yowani 7:35

Bayudaayo baalelisini: «Nde huni ali mu dwe, mana bisu luuvelesoolo nde? Nde ka huli Bayudaayo ba bubaatsahala ŋa hati li Bangeleke nde uyene, buve Bangeleke huuyalongese?

Mavanga 1:13

Bu bo baatodi hu musyenge a Yeruselemi, bo baavati hu itini hi ibanga hya yulu hu bo baaba na ipfu hi upfutana. Ŋa hati la bo aba Peetelo na Yowani, Yaki na Andele, Filipo na Tomaasi, Batolomayi na Mataayi, Yaki mwana a Alafe, Simoni wu aba mu kabu li «bazeloti» na Yuda mwana Yaki.

Mavanga 12:17

Mu hoho hwa nde, Peetelo avondi bo mu ubaa «swii». Na nde ayabisi bo buni Pfumu hapalisi nde mu tso a kondaayi. Nde abwebwese: «Yayabisaani mambu mo maaniima huli Yaki na huli baana ba ngu bakima.» Titswene, nde apali na ayeni tsyelo kima.

Mavanga 15:13

Bu bo baamani uyambila, Yaki avoli munywa na aleeli: «Baana ba ngu, yuhani me!

Mavanga 15:21

Bo a bafwana uvanga maana ve, mu toni ati, umata tsikulu, baatu bali mu ulongese mikele mya Moose, mu pasi musyenge. Na ubaataanga nde mu manzo moosi ma lisambulu ma Bayudaayo mu pasi saba.”»

Mavanga 15:23

Baaviidi bo mu ubita muhanda wu baasonehe bunuubu: «Bisu bilumbi na bakuutu ba libundu, bambaahi ba benu banga imiinu, limiisuula benu baana ba ngu ba laavele Bayudaayo. Bisu limiisuula benu ba lili hu musyenge a Antyokya, hu bitanzi bya tsi a Siriya na itanzi hya Silisiya.

Mavanga 2:5

Hu musyenge a Yeruselemi, hwaba na Bayudaayo ba baakakiinza Nzambi, ba baamati mu matsi moosi.

Mavanga 21:18

Ilumbu hi hyaduuki, Pahuli ayeni na bisu huli Yaki. Bakuutu ba libundu boosi baayatsonzomo ŋaana.

Mavanga 23:26

«Mutumi Felikisi nga mifwende, yaka mabwehe ma mamati huli me Koloode Lisyasi, mukuutu balwani.

Mavanga 26:7

Bibandu kuumi byole (12) bya buli la bisu, bili mu usa hiitu mu umono tswihili a lahi moliina. Buuna, bibandu kuumi byole mobiina, bili mu usalila Nzambi na mukami nyangu na butsuhu. Ni mu toni a hiitu mohina, pfumu Agilipa, Bayudaayo bamiikese me.

Mavanga 8:1

Na Sahuli asilisi lipfu la Etyene. Ilumbu mo ni hiina, hwabaandihi mbingisili yinene mu Libundu la Yeruselemi. Banga hiitu boosi, vengo bilumbi, baatsamuhi mu bitanzi bya Yuda na Samariya.

Looma 1:1

Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

Ngalaatiya 1:19

Ka me a hamoni bilumbi bya Nzambi bikima ve, ŋa yulu a Yaki, mwana a ngu a Pfumu.

Ngalaatiya 2:12

Tswamina baatu ba kabu la Yaki mu uya, nde aba mu udya itwadi na baana ba ngu ba baavele Bayudaayo. Ka, humbisa hu bo baayato, nde avyasuhi na nde ayatsahala ŋa muvanga, mu toni ati, nde aba na boomo bwa kabu la baatu mobaana, ba baakete.

Ngalaatiya 2:9

Yaki, Peetelo na Yowani ba baaba makunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umwese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

2 Timoteho 4:21

Leenge mu uya, tswamina ndolo mu uto. Ebulusi, Pudenesi, Linyusi, Kolodiya na baana ba ngu boosi, batsindihi we bwehe.

Tiite 1:1

Me Pahuli ndi mu utsonehele we muhanda mowunuwu. Ni me ndi muviha a Nzambi na ilumbi hya Yisu Kristo. Nzambi amiiva me isalu mu ubita baatu ba nde hamiisoolo, mu nzila imiinu. Nzambi amiiva me ka isalu hi uyabisa bo imbuli hi hyafwana, mana bo badyata mu mbiili ya ba baakinza Nzambi.

1 Peetelo 1:1

Me Peetelo, ilumbi hya Yisu Kristo. Me ndi mu utsindaha muhanda mowunuwu, huli ba Nzambi hasoolo na ba baamiilalaana hu tsi bumwenyi, ba bali mu bitanzi bya Pooti, Ngalatiya, Kapadosi, mu matsi ma Asiya, na Bitiniya.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

Yude 1:1

Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.